Псалтирь, псалом 59

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 59
59:1	В конец, о изменитися хотящих, в столпописание Давиду, в научение:
59:2 См.: 🔗2Цар. 8:1 🔗1Пар. 18:3	внегда сожже Средоречие Сирийское и Сирию Совалскую, и возвратися Иоав и порази Едома в дебри Солей дванадесять тысящ.
59:3 См.: 🔗Пс. 43:10	Боже, отринул ны еси и низложил еси нас, разгневался еси и ущедрил еси нас.
59:4 См.: 🔗2Пар. 7:14	Стрясл еси землю и смутил еси ю: изцели сокрушение ея, яко подвижеся.
59:5 См.: 🔗Пс. 74:9	Показал еси людем Твоим жестокая: напоил еси нас вином умиления.
59:6	Дал еси боящымся Тебе знамение, еже убежати от лица лука.
59:7	Яко да избавятся возлюбленнии Твои, спаси десницею Твоею и услыши мя.
59:8 См.: 🔗Пс. 107:8	Бог возглагола во святем Своем: возрадуюся, и разделю Сикиму, и юдоль Жилищ размерю.
59:9	Мой есть Галаад, и Мой есть Манассий, Ефрем крепость главы Моея, Иуда царь Мой.
59:10 См.: 🔗2Цар. 8:2 🔗2Цар. 22:44 🔗Ис. 21:11	Моав коноб упования Моего: на Идумею простру сапог Мой: Мне иноплеменницы покоришася.
59:11	Кто введет мя во град ограждения? Или кто наставит мя до Идумеи?
59:12 См.: 🔗Пс. 43:10	Не Ты ли, Боже, отринувый нас? И не изыдеши, Боже, в силах наших?
59:13	Даждь нам помощь от скорби: и суетно спасение человеческо.
59:14 См.: 🔗Пс. 17:30 🔗Пс. 107:14	О Бозе сотворим силу: и Той уничижит стужающыя нам.