Книга Премудрости Иисуса, сына Сирахова, глава 20 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 20
20:1 См.: 🔗Пс. 140:5 🔗Прит. 25:12	Коль добро есть обличити, нежели яритися тайно: и исповедаяйся от умаления возбранен будет.
20:2	Коль добро обличенному явити покаяние:
20:3	сей бо вольнаго избежит греха.
20:4 См.: 🔗Сир. 30:21	Желание скопчо растлит ли девицу? Такожде творяй нуждею суды.
20:5	Есть молчай обретаяйся премудр, и есть ненавидимь от многия беседы.
20:6	Есть молчай, не имать бо ответа: и есть молчай ведый время.
20:7 См.: 🔗Еккл. 3:7 🔗Прит. 25:11	Человек премудр умолчит до времене: продерзый же и безумный превосходит время.
20:8 См.: 🔗Прит. 10:19 🔗Прит. 17:28	Умножаяй словеса мерзок будет, и восхищаяй власть возненавиден будет.
20:9 См.: 🔗Прит. 10:2	Есть благопоспешство во злых мужеви, и есть изобретение на умаление.
20:10	Есть даяние, еже ти не будет на пользу, и есть даяние, егоже отдание сугубо.
20:11 См.: 🔗Прит. 16:18 🔗1Пет. 5:5	Есть умаление славы ради, и есть, иже от смирения вознесе главу.
20:12	Есть купуяй многая малым и возвращаяй я седмерицею.
20:13 См.: 🔗Сир. 18:17	Премудрый во словеси любезна сотворит себе: благодати же безумных излиются.
20:14	Даяние безумнаго не упользует ти, очи бо его вместо единаго мнози ко восприятию:
20:15 См.: 🔗Сир. 18:15	мало даст, а много поносити будет и отверзет уста своя яко проповедник: днесь взаим даст, а утро истяжет: ненавидимь человек таковый Господу и человеком.
20:16 См.: 🔗Пс. 40:10	Буй речет: несть ми друга и несть хвалы благим моим: ядущии хлеб мой льстиви языком.
20:17	Коликощи и колицы посмеются ему?
20:18	Поползновение на земли лучше неже от языка: тако падение злых со тщанием приидет.
20:19	Человек безблагодатен баснь безвременна: во устех ненаказанных присно будет.
20:20 См.: 🔗Прит. 25:11	От уст буяго отвержена будет притча: не имать бо ея рещи во время свое.
20:21	Есть возбраняемый согрешати от скудости, и в покои своем не умилится.
20:22	Есть погубляяй душу свою за стыд, и от лица безумна погубит ю.
20:23	Есть ради стыда обещаяйся другови, и приобрете его врага туне.
20:24	Порок зол человеку лжа, и во устех ненаказанных присно будет.
20:25	Уне есть тать, нежели присно лжай: оба же пагубу наследят.
20:26	Обычай человека лжива безчестие, и студ его присно с ним.
20:27 См.: 🔗Быт. 41:38 🔗Дан. 2:46	Премудрый словесы произведет себе, и человек мудрый угоден будет вельможам.
20:28 См.: 🔗Прит. 12:11	Делаяй землю вознесет стог свой, и угождаяй вельможам умилостивит о неправде (своей).
20:29 См.: 🔗Исх. 23:8 🔗Втор. 16:19	Мзда и дарове ослепляют очи премудрых, и якоже бразды на устех отвращают обличения.
20:30 См.: 🔗Сир. 41:17	Премудрость сокровена и сокровище не явлено, кая польза есть во обоих?
20:31	Лучше человек скрываяй буйство свое, нежели человек скрываяй премудрость свою.