Откровение Иоанна Богослова (Апокалипсис), глава 20

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 20
20:1 См.: 🔗Лк. 8:31 🔗Отк. 1:18	И видех Ангела сходяща с небесе, имеюща ключь бездны и уже велико в руце своей:
20:2 См.: 🔗2Пет. 2:4 🔗Иуд. 1:6 🔗Отк. 12:9	и ят змия, змия древняго, иже есть диавол и сатана, и связа и на тысящу лет,
20:3	и в бездну затвори его, и заключи его, и запечатле над ним, да не прельстит ктому языки, дондеже скончается тысяща лет: и по сих подобает ему отрешену быти на мало время.
20:4 См.: 🔗Дан. 7:9 🔗Дан. 8:17 🔗Мф. 19:28 🔗1Кор. 6:2 🔗2Тим. 2:12 🔗Отк. 6:11	И видех престолы и седящыя на них, и суд дан бысть им: и душы растесаных за свидетелство Иисусово и за слово Божие, иже не поклонишася зверю, ни иконе его, и не прияша начертания на челех своих и на руце своей. И ожиша и воцаришася со Христом тысящу лет:
20:5	прочии же мертвецы не ожиша, дондеже скончается тысяща лет. Се воскресение первое.
20:6 См.: 🔗Ис. 61:6 🔗Отк. 1:6 🔗Отк. 21:7	Блажен и свят, иже имать часть в воскресении первем: на нихже смерть вторая не имать области, но будут иерее Богу и Христу и воцарятся с Ним тысящу лет.
20:7 См.: 🔗Иез. 38:2 🔗Иез. 39:1 🔗Отк. 16:14	И егда скончается тысяща лет, разрешен будет сатана от темницы своея и изыдет прельстити языки сущыя на четырех углех земли, Гога и Магога, собрати их на брань, ихже число яко песок морский.
20:8	И взыдоша на широту земли и обыдоша святых стан и град возлюбленный.
20:9 См.: 🔗Ис. 66:24 🔗Отк. 14:10	И сниде огнь от Бога с небесе и пояде я:
20:10 См.: 🔗Дан. 7:11 🔗Отк. 19:20	и диавол льстяй их ввержен будет в езеро огненно и жупелно, идеже зверь и лживый пророк: и мучени будут день и нощь во веки веков.
20:11 См.: 🔗2Пет. 3:10	И видех престол велик бел и Седящаго на нем, Егоже от лица бежа небо и земля, и место не обретеся им.
20:12 См.: 🔗Отк. 2:23 🔗Отк. 3:5 🔗Отк. 13:8 🔗Отк. 21:27	И видех мертвецы малыя и великия стоящя пред Богом, и книги разгнушася: и ина книга отверзеся, яже есть животная: и суд прияша мертвецы от написаных в книгах, по делом их.
20:13	И даде море мертвецы своя, и смерть и ад даста своя мертвецы: и суд прияша по делом своим,
20:14 См.: 🔗1Кор. 15:26 🔗Отк. 2:11	и смерть и ад ввержена быста в езеро огненное. И се есть вторая смерть.
20:15	И иже не обретеся в книзе животней написан, ввержен будет в езеро огненное.