Второзаконие, глава 20

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 20
20:1	Аще же изыдеши на брань на враги твоя, и узриши кони и всадники и люди множайшыя тебе, да не убоишися их: яко Господь Бог твой с тобою, изведый тя из земли Египетския.
20:2 См.: 🔗Чис. 31:6	И будет егда приближишися к рати, и приступив жрец да возглаголет к людем и речет к ним:
20:3	послушай, Израилю, вы исходите днесь на рать ко врагом вашым: да не ослабеет сердце ваше, ни убойтеся, ниже устрашитеся и не уклонитеся от лица их:
20:4	яко Господь Бог ваш идый пред вами споборствует вам на враги вашя и спасет вас.
20:5 См.: 🔗1Мак. 3:56	И да рекут книгочия к людем, глаголюще: кий человек создавый храмину нову, и не обнови ея? Да идет, и да возвратится в дом свой, да не умрет на рати, и человек ин обновит ю:
20:6 См.: 🔗Лев. 19:23 🔗Втор. 28:30	и кии человек, иже насади виноград, и не веселися от него? Да идет, и возвратится в дом свой, да не умрет на рати, и человек ин возвеселится от него:
20:7 См.: 🔗Втор. 24:5	и кий человек, иже обручи себе жену, и не понял ю? Да идет, и возвратится в дом свой, да не умрет на рати, и ин человек поймет ю.
20:8 См.: 🔗Суд. 7:3	И да приложат книгочия глаголати к людем, и да рекут: кий человек страшлив и слаб сердцем? Да идет, и возвратится в дом свой, да не устрашит сердца брата своего, аки сердце свое.
20:9	И будет егда умолкнут книгочия глаголюще к людем, и поставят воеводы воинства вожды людий.
20:10 См.: 🔗Чис. 21:21	Аще же приидеши ко граду воевати нань, и воззовеши я с миром:
20:11	аще убо мирное отвещают ти, и отверзут тебе (град), вси людие обретшиися во граде да будут тебе дань дающе и послушающии тебе:
20:12	аще же не покорятся тебе, и сотворят с тобою рать, да обсядеши его,
20:13 См.: 🔗Чис. 31:7 🔗3Цар. 11:16	дондеже предаст я Господь Бог твой в руце твои: да избиеши всяк мужеск пол в нем убийством меча,
20:14 См.: 🔗Чис. 31:27	кроме жен и имения, и вся скоты, и вся елика суть во граде, и все стяжание да плениши себе, и да снеси весь плен врагов твоих, яже Господь Бог твой дает тебе.
20:15	Тако да сотвориши всем градом, иже суть далече от тебе зело, иже не суть от градов языков сих, ихже Господь Бог дает тебе наследити землю их:
20:16	от них да не оставите жива всякаго дыхания:
20:17 См.: 🔗Втор. 7:1 🔗Нав. 6:17	но и проклятием проклените их, Хеттеа и Аморреа, и Хананеа и Ферезеа, и Евеа и Иевусеа и Гергесеа, якоже заповеда тебе Господь Бог твой:
20:18	да не научат вас творити всякия мерзости своя, елики твориша богом своим, и согрешите пред Господем Богом вашим.
20:19 См.: 🔗Суд. 2:17	Аще же обсядеши град един дни многи воевати его в приятие себе, да не истребиши садовия его, возложив железо нань, но токмо да яси плод от них, самого же да не посечеши: еда древо, еже в дубраве, человек есть, иже внити от лица твоего в забрала?
20:20 См.: 🔗Иер. 6:6	Но древо, еже веси, яко не ястся плод его, сие потребиши и посечеши, и сотвориши лествицы на град, иже творит на тя рать, дондеже предастся.