Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 9 | |
9:1 | И призва Товиа Рафаила и рече ему: |
9:2 | Азариа брате возми с собою отрока и два велблюда, и пойди в Раги Мидииския ко Гаваилу, и принеси ми сребро, и самого приведи ми на брак, |
9:3 | понеже закля Рагуил не исходити ми, |
9:4 | а отец мой сочисляет дни, и аще премедлю много, скорбети будет зело. |
9:5 | И иде Рафаил, и пребысть у Гаваила, и даде ему рукописание: он же изнесе мешцы с печатьми и вдаде ему. |
9:6 | И обутреневаста купно и приидоста на брак. И благослови Товиа жену свою. |