Первое Соборное послание апостола Иоанна Богослова, глава 1

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 1
1:1 См.: 🔗Лк. 1:2 🔗Лк. 24:39 🔗Ин. 1:1	Еже бе исперва, еже слышахом, еже видехом очима нашима, еже узрехом, и руки нашя осязаша, о Словеси животнем:
1:2 См.: 🔗Ин. 1:1	и живот явися, и видехом, и свидетелствуем, и возвещаем вам живот вечный, иже бе у Отца и явися нам:
1:3 См.: 🔗Ин. 15:10 🔗1Кор. 1:9	еже видехом и слышахом, поведаем вам, да и вы общение имате с нами: общение же наше со Отцем и с Сыном Его Иисусом Христом.
1:4	И сия пишем вам, да радость ваша будет исполнена.
1:5 См.: 🔗Ин. 8:12	И сие есть обетование, еже слышахом от Него и поведаем вам, яко Бог свет есть, и тмы в Нем несть ни единыя.
1:6 См.: 🔗2Кор. 6:14 🔗Еф. 5:11	Аще речем, яко общение имамы с Ним, и во тме ходим, лжем и не творим истины:
1:7 См.: 🔗1Пет. 1:19 🔗Евр. 9:14 🔗Отк. 1:5	аще же во свете ходим, якоже Сам Той есть во свете, общение имамы друг ко другу, и Кровь Иисуса Христа Сына Его очищает нас от всякаго греха.
1:8 См.: 🔗3Цар. 8:46 🔗Прит. 20:9 🔗Еккл. 7:20	Аще речем, яко греха не имамы, себе прельщаем, и истины несть в нас.
1:9 См.: 🔗2Цар. 12:13 🔗Пс. 31:5 🔗Прит. 28:13	Аще исповедаем грехи нашя, верен есть и праведен да оставит нам грехи нашя и очестит нас от всякия неправды.
1:10	Аще речем, яко не согрешихом, лжа творим Его, и слово Его несть в нас.