Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 31 | |
31:1 | Завет положих очима моима, да не помышлю на девицу. |
31:2 | И что удели Бог свыше, и наследие Всесильнаго от вышних? |
31:3 | Увы, пагуба неправдивому и отчуждение творящым беззаконие. |
31:4 | Не Сам ли узрит путь мой и вся стопы моя изочтет? |
31:5 | Аще ходих с посмеятели, и аще потщася нога моя на лесть, |
31:6 | стах бо на мериле праведне, виде же Господь незлобие мое. |
31:7 См.: 🔗Пс. 7:4 | Аще уклонися нога моя от пути, аще и вслед ока моего иде сердце мое, и аще рукама моима прикоснухся даров, |
31:8 См.: 🔗Лев. 26:16 🔗Втор. 28:30 | да посею убо, а инии да поядят, без корене же да бых был на земли. |
31:9 См.: 🔗Иов. 24:15 | Аще вслед иде сердце мое жены мужа инаго, и аще приседяй бых при дверех ея, |
31:10 См.: 🔗Втор. 28:30 | угодна убо буди и жена моя иному мужу, младенцы же мои смирени да будут: |
31:11 См.: 🔗Быт. 38:24 🔗Лев. 20:10 | ярость бо гнева не удержана, еже осквернити мужа инаго жену: |
31:12 См.: 🔗Ис. 47:14 | огнь бо есть горяй на вся страны, идеже найдет, из корения погубит. |
31:13 | Аще же презрех суд раба моего или рабыни, прящымся им предо мною: |
31:14 | что бо сотворю, аще испытание сотворит ми Господь? Аще же и посещение, кий ответ сотворю? |
31:15 | Еда не якоже и аз бех во чреве, и тии быша? Бехом же в томже чреве. |
31:16 См.: 🔗1Ин. 3:17 🔗Иак. 2:15 | Немощнии же, аще когда чесого требоваху, не не получиша, вдовича же ока не презрех. |
31:17 См.: 🔗Лк. 14:13 | Аще же и хлеб мой ядох един и сирому не преподах от него: |
31:18 См.: 🔗Иов. 29:16 🔗Сир. 4:10 | понеже от юности моея кормих якоже отец, и от чрева матере моея наставлях: |
31:19 См.: 🔗Ис. 58:7 | аще же презрех нага погибающа и не облекох его: |
31:20 См.: 🔗Втор. 24:13 | немощнии же аще не благословиша мя, от стрижения же агнцев моих согрешася плещы их: |
31:21 См.: 🔗Ис. 58:4 | аще воздвигох на сироту руку, надеяся, яко многа помощь мне есть: |
31:22 См.: 🔗Зах. 11:17 | да отпадет убо рамо мое от состава, мышца же моя от лактя да сокрушится: |
31:23 См.: 🔗Быт. 50:19 | страх бо Господень объя мя, и от тягости Его не стерплю. |
31:24 См.: 🔗Пс. 61:11 🔗Мк. 10:24 | Аще вчиних злато в крепость мою и аще на камения многоценная надеяхся, |
31:25 | аще же и возвеселихся, многу ми богатству сущу, аще же и на безчисленных положих руку мою: |
31:26 См.: 🔗Втор. 4:19 🔗Иез. 8:16 | или не видим солнца возсиявшаго оскудевающа, луны же умаляющияся? Не в них бо есть: |
31:27 См.: 🔗3Цар. 19:18 | и аще прельстися отай сердце мое, аще и руку мою положив на устах моих лобзах: |
31:28 См.: 🔗Тит. 1:16 | и сие ми убо в беззаконие превелие да вменится, яко солгах пред Богом Вышним. |
31:29 См.: 🔗Прит. 24:17 | Аще же обрадовахся о падении враг моих, и рече сердце мое: благоже, благоже: |
31:30 | да услышит убо ухо мое клятву мою, озлославлен же да буду от людий моих озлобляемь. |
31:31 | Аще же и многажды реша рабыни моя: кто убо дал бы нам от плотей его насытитися, зело мне благу сущу? |
31:32 | И вне не водворяшеся странник, дверь же моя всякому приходящему отверста бе. |
31:33 | Аще же и согрешая неволею, скрых грех мой: |
31:34 | не посрамихся бо народнаго множества, еже не поведати пред ними: аще же и оставих маломощнаго изыти из дверий моих тщим недром: (аще бы не убоялся). |
31:35 | Кто даст слушающаго мене? Руки же Господни аще бых не убоялся, писание же, еже имех на кого, |
31:36 | на плещах возложив аки венец, читах, |
31:37 | и аще не раздрав его отдах, ничтоже взем от должника: |
31:38 | аще на мя когда земля возстена, аще и бразды ея восплакашася вкупе: |
31:39 См.: 🔗Иак. 5:11 | аще и силу ея ядох един без цены, или аще и душу господина земли взем оскорбих: |
31:40 | вместо пшеницы да взыдет ми кропива, а вместо ячменя терние. |