Книга Иова, глава 35

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 35
35:1	Отвещав же еще Елиус, рече:
35:2 См.: 🔗Иов. 32:2 🔗Иов. 34:5	что сие мнил еси на суде? Ты кто еси, яко рекл еси: прав есмь пред Господем?
35:3	Или речеши: что сотворю согрешив?
35:4	Аз же ти дам ответ и трием другом твоим.
35:5	Воззри на небо и виждь: смотри же на облаки, коль высоки суть от тебе.
35:6 См.: 🔗Иер. 7:19	Аще согрешил еси, что сотвориши? Аще же и много беззаконновал еси, что можеши сотворити?
35:7 См.: 🔗Иов. 22:3	Понеже убо праведен еси, что даси Ему? Или что из руки твоея возмет?
35:8	Мужеви подобному тебе нечестие твое, и сыну человеческому правда твоя.
35:9 См.: 🔗Иов. 24:12	От множества оклеветаемии воззовут, возопиют от мышцы многих:
35:10 См.: 🔗Пс. 41:9	и не рече: где есть Бог сотворивый мя, устрояяй стражбы нощныя,
35:11 См.: 🔗2Пет. 2:12	отделяяй мя от четвероногих земных и от небесных птиц?
35:12 См.: 🔗Иов. 27:9 🔗Прит. 15:29	Тамо воззовут, и не имаши услышати, и от досады злых.
35:13 См.: 🔗Ис. 1:15 🔗Ин. 9:31	Безместная бо видети не хощет Господь: Сам бо Вседержитель зритель есть творящих беззаконная, и спасет мя.
35:14 См.: 🔗Иов. 23:9 🔗Еккл. 3:17 🔗Еккл. 12:14	Судися же пред Ним, аще можеши похвалити Его, якоже есть и ныне.
35:15	Яко несть посещаяй гневом Своим, и не позна прегрешения коеголибо зело.
35:16	Иов же всуе отверзает уста своя, неведением словеса отягощает.