Книга Екклезиаста, или Проповедника, глава 11

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 11
11:1 См.: 🔗Лк. 6:38 🔗Лк. 12:17	Посли хлеб твой на лице воды, яко во множестве дний обрящеши его.
11:2 См.: 🔗Лк. 16:9	Даждь часть седмим и осмим, яко не веси, что будет лукаво на земли.
11:3	Аще исполнятся облацы дождя, на землю изливают: и аще падет древо на юг, и аще на север, на месте, идеже падет древо, тамо будет.
11:4	Блюдый ветра не сеет, и сматряяй во облацех не пожнет.
11:5 См.: 🔗Ин. 3:8	В нихже несть ведый, кии путь духа, якоже кости во чреве раждающия: тако не уразумееши дел Божиих, елика сотворит всяческая.
11:6 См.: 🔗Рим. 12:11	В заутрии сей семя твое, и в вечер да не оставляет рука твоя: яко не веси, кое произыдет сие или оно, и аще обоя вкупе благая.
11:7	И сладко свет, и благо очима зрети солнце:
11:8 См.: 🔗Иов. 10:21	яко аще и многа лета поживет человек, и о всех сих возвеселится, и помянет дни тмы, яко мнози будут: все грядущее суета.
11:9 См.: 🔗2Тим. 2:22	Веселися, юноше, во юности твоей, и да ублажит тя сердце твое во днех юности твоея, и ходи в путех сердца твоего непорочен и не в видении очию твоею: и разумей, яко о всех сих приведет тя Бог на суд:
11:10	и отстави ярость от сердца твоего, и отрини лукавство от плоти твоея: яко юность и безумие суета.