Первое послание апостола Павла к Тимофею, глава 3

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 3
3:1 См.: 🔗Деян. 20:28	Верно слово: аще кто епископства хощет, добра дела желает.
3:2 См.: 🔗Тит. 1:7	Подобает убо епископу быти непорочну, единыя жены мужу, трезвену, целомудру, (благоговейну,) честну, страннолюбиву, учителну,
3:3 См.: 🔗Лев. 10:9 🔗1Пет. 5:2	не пиянице, не бийце, не сварливу, не мшелоимцу, но кротку, (не завистливу,) не сребролюбцу,
3:4	свой дом добре правящу, чада имущу в послушании со всякою чистотою:
3:5	аще же кто своего дому не умеет правити, како о Церкви Божией прилежати возможет?
3:6	Не новокрещенну, да не разгордевся в суд впадет диаволь.
3:7	Подобает же ему и свидетелство добро имети от внешних, да не в поношение впадет и в сеть неприязнену.
3:8	Диаконом такожде чистым, не двоязычным, не вину многу внимающым, не скверностяжателным,
3:9 См.: 🔗1Тим. 1:19	имущым таинство веры в чистей совести.
3:10	И сии убо да искушаются прежде, потом же да служат, непорочни суще.
3:11	Женам такожде чистым, не клеветивым, (не навадницам,) трезвенным, верным во всем.
3:12	Диакони да бывают единыя жены мужие, чада добре правяще и своя домы:
3:13	ибо служившии добре степень себе добр снискают и многое дерзновение в вере, яже о Христе Иисусе.
3:14	Сия пишу тебе, уповая приити к тебе скоро:
3:15	аще же замедлю, да увеси, како подобает в дому Божии жити, яже есть Церковь Бога жива, столп и утверждение истины.
3:16 См.: 🔗Ин. 1:14 🔗1Пет. 1:12 🔗Рим. 1:4 🔗Рим. 10:18 🔗Еф. 3:10	И исповедуемо велия есть благочестия тайна: Бог явися во плоти, оправдася в Дусе, показася Ангелом, проповедан бысть во языцех, веровася в мире, вознесеся во славе.