Книга Левит, глава 7

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 7
7:1 См.: 🔗Лев. 5:6	И сей закон овна иже о преступлении: святая святых суть:
7:2 См.: 🔗Лев. 1:5 🔗Лев. 6:25	на месте, на немже закалают всесожжение, да заколют овна иже о преступлении пред Господем, и кровь да пролиют на стояла олтаря окрест:
7:3 См.: 🔗Лев. 3:3	и весь тук его да принесет от него, и чресла, и весь тук покрывающий утробу, и весь тук иже на утробе,
7:4 См.: 🔗Лев. 3:4	и обе почки, и тук иже на них, иже на стегнах, и препонку, яже на печени, с почками да отимет я:
7:5	и вознесет я жрец на олтарь, принос в воню благовония Господу: о преступлении (бо) есть:
7:6 См.: 🔗Лев. 6:18	всяк мужеск пол от жрец да снест я, на месте святе да снедят я: святая святых суть:
7:7 См.: 🔗Лев. 14:13	якоже греха ради, тако и преступления ради, закон един их: жрец иже помолится о нем, ему да будет:
7:8 См.: 🔗Лев. 1:6	и жрец приносяй всесожжение человечо, кожа всесожжения, еже приносит он, ему да будет:
7:9 См.: 🔗Лев. 2:3	и всяка жертва, яже сотворится в пещи, и всяка, яже сотворится на огнищи, или на сковраде, жерцу, иже приносит ю, тому да будет:
7:10 См.: 🔗Лев. 2:5 🔗Лев. 5:11 🔗Лев. 6:22	и всяка жертва спряжена с елеем, и яже не спряжена, всем сыном Аароним комуждо равно да будет.
7:11 См.: 🔗Лев. 3:2	Сей закон жертвы спасения, юже принесут Господу:
7:12 См.: 🔗Лев. 22:29 🔗2Пар. 29:31 🔗Пс. 115:8	аще убо похваления ради принесет ю, и принесет на жертву хваления хлебы от муки пшеничны пряжены в елеи, и опресноки помазаны елеем, и муку пшеничну смешену с елеем:
7:13	с хлебы квасными да принесет дар свой на жертву хваления спасителнаго:
7:14	и да принесет един от всех даров своих участие Господу: жерцу возливающему кровь жертвы спасения, тому да будет:
7:15 См.: 🔗Лев. 19:5 🔗Лев. 22:30 🔗1Кор. 10:18	и мяса жертвы хваления спасителнаго тому да будут, и в оньже день принесутся, да снедятся: да не оставят от него на утрие:
7:16 См.: 🔗Чис. 30:3	и аще обет будет, или вольный пожрет дар свой, в оньже аще день жертву свою принесет, да снестся, и на утрие:
7:17 См.: 🔗Лев. 19:6	и оставшееся от мяс жертвы до дне третияго на огни да сожжется:
7:18	аще же ядый снест от мяс в день третий, не приимется приносящему ю, ниже вменится ему: осквернение есть: душа же, яже аще снест от них, грех приимет:
7:19 См.: 🔗1Цар. 20:26	и мяса, яже аще прикоснутся всякому нечисту, да не снедятся, на огни да сожгутся: всяк чистый да снест мяса:
7:20 См.: 🔗Быт. 17:14	душа же, яже аще снест от мяс жертвы спасения, яже есть Господу, и нечистота его на нем, погибнет душа она от людий своих:
7:21 См.: 🔗Лев. 11:4	всякой вещи нечистей, или от нечистоты человечи или от четвероногих нечистых, или всякой мерзости нечистей, и снест от мяс жертвы спасения, яже есть Господня, погибнет душа та от людий своих.
7:22	И рече Господь к Моисею, глаголя:
7:23 См.: 🔗Лев. 3:17	рцы сыном Израилевым, глаголя: всякаго тука говяжа и овча и козия да не снесте:
7:24	и тук мертвечинен и звероядный да сотворится на всяко дело, в ядении же да не снестся:
7:25	всяк ядый тук от скотов, от нихже принесет дар Господу, погибнет душа та от людий своих:
7:26 См.: 🔗Быт. 9:4 🔗Лев. 3:17	всякия крове да не снесте во всех селениих ваших и от скотов и от птиц:
7:27	всяка душа, яже аще снест кровь, погибнет душа та от людий своих.
7:28	И рече Господь к Моисею, глаголя:
7:29	и сыном Израилевым речеши, глаголя: приносяй жертву спасения Господу да принесет дар свой Господу, и от жертвы спасения:
7:30 См.: 🔗Исх. 29:24	руце его да принесут принос Господу: тук иже на грудех, и препонку печени да принесет я, якоже возложити дар пред Господа:
7:31	и да вознесет жрец тук иже на грудех, на олтарь, и груди да будут Аарону и сыном его,
7:32 См.: 🔗Исх. 30:15	и рамо десное да дастся участие жерцу от жертв спасения вашего:
7:33	приносящему кровь спасения и тук от сынов Аароновых, тому да будет рамо десное во участие:
7:34 См.: 🔗Исх. 29:27 🔗Чис. 18:11 🔗1Кор. 9:13	грудь бо возложения и рамо участия взях от сынов Израилевых от жертв спасения вашего, и дах я Аарону жерцу и сыном его, законно вечно от сынов Израилевых.
7:35	Сие помазание Аароне и помазание сынов его от приносов Господних, в оньже день приведе я жрети Господу:
7:36	якоже заповеда Господь дати им, в оньже день помаза я от сынов Израилевых: законно вечно в роды их.
7:37 См.: 🔗Лев. 16:6 🔗Лев. 27:34	Сей закон всесожжений и жертвы, и о гресе и о преступлении, и совершении и жертве спасения:
7:38	якоже заповеда Господь Моисею на горе Синайстей, в оньже день заповеда сыном Израилевым приносити дары своя пред Господа, в пустыни Синайстей.