Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 32 | |
32:1 | Се бо, Царь праведный воцарится, и князи со судом владети начнут. |
32:2 См.: 🔗Пс. 142:6 | И будет человек сокрываяй словеса своя, и скрыется, аки от воды носимыя: и явится в Сионе яко река текущая славная в земли жаждущей. |
32:3 | И ксему не будут уповающе на человеки, но ушы вдадят на слышание, |
32:4 См.: 🔗Лк. 10:21 | и сердце изнемогших вонмет послушати, и языцы немотствующии скоро научатся глаголати мир: |
32:5 | и ксему не рекут юродивому владети, и ксему не рекут слуги твои: молчи. |
32:6 См.: 🔗1Цар. 24:14 | Юрод бо юродивая изречет, и сердце его тщетная уразумеет, еже совершати беззаконная и глаголати на Господа прелесть, еже растлити душы алчныя и душы жаждущыя тщы сотворити. |
32:7 | Совет бо злых беззаконная совещавает, растлити смиренныя словесы неправедными и разсыпати словеса смиренных на суде. |
32:8 См.: 🔗Лк. 6:45 | Благочестивии же смысленне совещаша, и той совет пребудет. |
32:9 | Жены богатыя, востаните и услышите глас мой: дщери, с надеждею слышите словеса моя: |
32:10 См.: 🔗Лев. 26:34 | дня летняго память сотворите в болезни с надеждею: потребися оымание винное, преста сеяние, и (собирание) ктому не приидет. |
32:11 | Ужаснитеся, сжалитеся, уповавшыя, совлецытеся, наги будите, препояшите чресла своя во вретища |
32:12 | и в перси бийтеся о селе желаемем и о винограднем рождении. |
32:13 См.: 🔗Ис. 34:13 🔗Ос. 9:6 | На земли людий моих терние и былие возникнет, и от всего дому радость восхитится: град богат, |
32:14 См.: 🔗2Пар. 27:3 | домове оставленнии, богатство града и домы вожделения оставят: и будут веси пещеры до века, радость ослом дивиим, паствы пастухов: |
32:15 См.: 🔗Ис. 29:17 | дондеже найдет на ны Дух от вышняго, и будет пустыня в Хермель, а Хермель в дубраву вменится. |
32:16 См.: 🔗Ис. 35:1 | И почиет в пустыни суд, и правда в Кармиле вселится: |
32:17 См.: 🔗Рим. 5:1 | и будут дела правды мир, и одержит правда покой, и уповающе будут до века: |
32:18 См.: 🔗Иер. 33:16 🔗Иез. 34:27 | и вселятся людие его во граде мира и обитати будут уповающе, и почиют с богатством. |
32:19 | Град же, аще снидет, то не на вы приидет: и будут живущии в дубравах уповающе, якоже сущии на полях. |
32:20 См.: 🔗Пс. 71:16 | Блажени сеющии при всяцей воде, идеже вол и осел попирает. |