Книга Премудрости Иисуса, сына Сирахова, глава 7 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 7
7:1	Не твори зла, и не постигнет тя зло:
7:2	отступи от неправды, и уклонится от тебе.
7:3 См.: 🔗Ос. 10:12 🔗Прит. 22:8	Сыне, не сей на браздах неправды и не имаши пожати их седмерицею.
7:4 См.: 🔗Мф. 20:22	Не проси у Господа владычества, ниже от царя седалища славы.
7:5 См.: 🔗Иов. 9:2 🔗Пс. 142:2 🔗Прит. 20:9 🔗Еккл. 7:16 🔗Лк. 18:11	Не оправдай себе пред Богом и пред царем не мудрися.
7:6	Не ищи, да будеши судия, егда не возможеши отяти неправды: да не когда убоишися лица сильнаго и положиши соблазн в правости твоей.
7:7	Не согрешай во множестве града и не низлагай себе в народе.
7:8	Не свяжи дважды греха, и во единем бо не неповинен будеши.
7:9 См.: 🔗Ос. 8:13 🔗Мих. 6:7	Не рцы: на множество даров моих воззрит, и приносящу ми Богу Вышнему, приимет.
7:10 См.: 🔗1Тим. 2:8 🔗Иак. 1:6	Не малодушествуй в молитве твоей и милостыню творити не презри.
7:11 См.: 🔗1Цар. 2:7	Не ругайся человеку сущу в горести души его: есть бо Смиряяй и Возносяй.
7:12	Не ори лжи на брата твоего, ниже другу тожде твори.
7:13	Не восхощи лгати всякия лжи: учащение бо ея не на благо.
7:14 См.: 🔗Мф. 6:7	Не буди велеречив во множестве старец и не повтори слова в молитве твоей.
7:15 См.: 🔗Быт. 3:17	Не возненавиди труднаго дела и земледелия от Вышняго создана.
7:16	Не привменяй себе ко множеству грешников.
7:17 См.: 🔗Иак. 4:10	Смири душу твою зело.
7:18 См.: 🔗Ис. 66:24	Помяни, яко гнев не замедлит,
7:19 См.: 🔗Мк. 9:44	понеже месть нечестиваго огнь и червь.
7:20 См.: 🔗Прит. 27:10	Не измени друга ни на что, ни брата присна на злате Софирстем.
7:21	Не отступай от жены премудры и благи, ибо благодать ея паче злата.
7:22 См.: 🔗Лев. 19:13 🔗Втор. 24:14	Не озлоби раба делающа во истине, ниже наемника вдающа душу свою.
7:23	Раба разумива да любит душа твоя, и не лиши его свободы.
7:24 См.: 🔗Втор. 25:4	Есть ли ти скот, призирай его, и аще ти будет потребен, да пребудет ти.
7:25 См.: 🔗Сир. 30:12	Суть ли ти чада, накажи я и преклони от юности выю их.
7:26 См.: 🔗Сир. 42:9	Суть ли ти дщери, внимай телу их и не являй веселаго к ним лица твоего.
7:27	Выдай дщерь, и будеши совершивый дело велико: и мужеви разумиву даждь ю.
7:28	Есть ли ти жена по души, не изжени ея.
7:29 См.: 🔗Тов. 4:3 🔗Сир. 3:8	Всем сердцем твоим прославляй отца твоего и матерних болезней не забуди:
7:30	помяни, яко тема рожден еси, и что има воздаси, якоже она тебе?
7:31 См.: 🔗Втор. 12:19	Всею душею твоею благоговей Господеви и иереи Его чти.
7:32	Всею силою (твоею) возлюби Сотворшаго тя и служителей Его не остави.
7:33 См.: 🔗Лев. 2:3 🔗1Тим. 5:17	Бойся Господа и прослави иереа, и даждь часть ему, якоже заповедано ти:
7:34 См.: 🔗Мф. 10:10 🔗1Кор. 9:14	начатки, и о согрешении, и даяние мышцей, и жертву святыни, и начаток святых.
7:35 См.: 🔗Пс. 40:2	И нищему простри руку твою, да совершится благословение твое.
7:36 См.: 🔗Рим. 14:18 🔗Тов. 1:21	Благодать даяния пред всяким живым (да будет), и над мертвецем не возбрани благодати.
7:37 См.: 🔗Иак. 1:27 🔗Рим. 12:15	Не устраняйся от плачущих и с сетующими сетуй.
7:38 См.: 🔗Мф. 25:36	Не ленися посещати боляща: сими бо возлюблен будеши.
7:39 См.: 🔗Плч. 1:9	Во всех словесех твоих поминай последняя твоя, и во веки не согрешиши.