Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 13 | |
13:1 См.: 🔗Прит. 15:12 | Сын благоразумный послушлив отцу, сын же непокорливый в погибель. |
13:2 См.: 🔗Прит. 12:14 | От плодов правды снесть благий: душы же беззаконных погибают безвременно. |
13:3 См.: 🔗Прит. 18:21 🔗1Пет. 3:10 | Иже хранит своя уста, соблюдает свою душу: продерзивый же устнама устрашит себе. |
13:4 См.: 🔗Прит. 21:25 | В похотех есть всяк праздный: руки же мужественных в прилежании. |
13:5 См.: 🔗Пс. 118:163 | Словесе неправедна ненавидит праведник: нечестивый же стыдится и не возимет дерзновения. |
13:6 | Правда хранит незлобивыя: нечестивыя же злы творит грех. |
13:7 См.: 🔗Прит. 12:9 | Суть богатяще себе, ничесоже имуще: и суть смиряющеся во мнозе богатстве. |
13:8 См.: 🔗Прит. 10:15 | Избавление мужа души свое ему богатство: нищий же не терпит прещения. |
13:9 См.: 🔗Прит. 24:20 🔗Пс. 36:21 | Свет праведным всегда, свет же нечестивых угасает: души льстивыя заблуждают во гресех, праведнии же щедрят и милуют. |
13:10 | Злый с досаждением творит злая: себе же знающии премудри (суть). |
13:11 См.: 🔗Прит. 28:8 | Имение поспешаемо со беззаконием умалено бывает, собираяй же себе со благочестием изобилствовати будет: праведный щедрит и дает. |
13:12 | Лучше начинаяй помогати сердцем обещающаго и в надежду ведущаго: древо бо жизни желание доброе. |
13:13 См.: 🔗Прит. 1:24 🔗Ос. 4:6 | Иже презирает вещь, презрен будет от нея: а бояйся заповеди, сей здравствует. |
13:14 | Сыну лукавому ничтоже есть благо: рабу же мудру благопоспешна будут дела, и исправится путь его. |
13:15 См.: 🔗Прит. 10:11 | Закон мудрому источник жизни: безумный же от сети умрет. |
13:16 | Разум благ дает благть: разумети же закон, мысли есть благия: путие же презирающих в погибели. |
13:17 | Всяк хитрый творит с разумом, безумный же прострет свою злобу. |
13:18 | Царь дерзостен впадет во злая, вестник же мудр избавит его. |
13:19 | Нищету и безчестие отемлет наказание: храняй же обличения прославится. |
13:20 | Желания благочестивых наслаждают душу, дела же нечестивых далече от разума. |
13:21 См.: 🔗Сир. 6:35 🔗Сир. 37:15 | Ходяй с премудрыми премудр будет, ходяй же с безумными познан будет. |
13:22 | Согрешающих постигнут злая, праведных же постигнут благая. |
13:23 См.: 🔗Иов. 27:17 | Благ муж наследит сыны сынов: сокровищствуется же праведным богатство нечестивых. |
13:24 | Праведнии насладятся в богатстве лета многа: неправеднии же погибнут вскоре. |
13:25 См.: 🔗Прит. 23:13 🔗Сир. 30:1 | Иже щадит жезл (свой), ненавидит сына своего: любяй же наказует прилежно. |
13:26 См.: 🔗Ис. 65:13 🔗Сир. 37:32 | Праведный ядый насыщает душу свою: душы же нечестивых скудны. |