Книга пророка Михея, глава 1

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 1
1:1 См.: 🔗Иер. 26:18	Слово Господне, еже бысть ко Михею Морасфитину, во дни Иоафама и Ахаза и Езекии царей Иудиных, о нихже виде о Самарии и о Иерусалиме.
1:2 См.: 🔗Втор. 32:1 🔗Ис. 1:2	Слышите, людие вси, словеса, и внемли, земле и вси иже на ней, и будет Господь Бог в вас в послушествование, Господь от дому святаго Своего.
1:3 См.: 🔗Ис. 26:21	Понеже, се, Господь исходит от места Своего, и снидет и наступит на высоты земныя,
1:4 См.: 🔗Пс. 96:5	и поколеблются горы под Ним, и юдоли растают яко воск от лица огня и яко вода сходящи со устремлением.
1:5 См.: 🔗Иез. 20:29	Нечестия ради Иаковля вся сия и греха ради дому Израилева. Кое нечестие дому Иаковлю? Не Самариа ли? И кий грех дому Иудина? Не Иерусалим ли?
1:6	И положу Самарию во овощное хранилище селное и в сад винограда, и развергу в пропасть камение ея, и основания ея открыю:
1:7 См.: 🔗Иез. 16:31 🔗Ос. 2:12	и вся изваянная ея сокрушат, и вся мзды ея запалят огнем, и вся кумиры ея положу в пагубу: понеже от найма блуда собра и от найма блужения соврати.
1:8 См.: 🔗Иов. 30:29	Сего ради возрыдает и восплачется, пойдет боса и нага, сотворит плачь аки змиев и рыдание аки дщерей сиринских:
1:9	яко одержа язва ея, понеже прииде даже до Иуды и коснуся до врат людий моих даже до Иерусалима.
1:10 См.: 🔗2Цар. 1:20 🔗Иер. 6:26	Уже в Гефе, не величайтеся, и Иенакимляне, не сограждайте из дому на посмеяние, перстию посыплите посмеяние ваше.
1:11	Обитающая добре во градех своих, не изыде живущая в Сеннааре, плачитеся дому (сущаго) близ ея, приимет от вас язву болезней.
1:12 См.: 🔗Ис. 45:7 🔗Ам. 3:6	Кто нача во благая вселившейся в болезнех, яко снидоша злая от Господа на врата Иерусалимля,
1:13 См.: 🔗4Цар. 14:19 🔗2Пар. 32:9 🔗Ис. 36:2	шум колесниц и конников: живущая в Лахисе началница греха та есть дщери Сиони, яко в тебе обретошася нечестия Израилева.
1:14	Сего ради даст посылаемыя даже до наследия Гефова, домы суетны, вотще быша царем Израилевым,
1:15 См.: 🔗Нав. 15:35	дондеже наследники приведу тебе, живущая в Лахисе, наследие даже до Одоллама приидет, слава дщере Сиони.
1:16 См.: 🔗Ис. 22:12	Оброснися и остризися по чадех своих младых: разшири оброснение твое яко орел, понеже пленени быша от тебе.