Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 27 | |
27:1 | И бысть слово Господне ко мне глаголя: |
27:2 | и ты, сыне человечь, возми на Сор плачь, |
27:3 См.: 🔗Иез. 28:12 | и речеши Сору населенному на морстем входе, торжищу людий от островов многих, сия глаголет Адонаи Господь Сору: ты рекл еси: аз сам возложих на мя мою доброту, |
27:4 См.: 🔗Иез. 28:2 | в сердцы морстем веелиму, и сынове твои возложиша на тя доброту. |
27:5 См.: 🔗Втор. 3:9 | Кедр от Санира истесася тебе, тонкия доски кипарисныя от Ливана взяты быша, еже сотворити тебе ядрила елова: |
27:6 | от Васанитиды сотвориша весла твоя: святилища твоя состроиша от слоновых (костей), домы древяны от островов Хеттиимских: |
27:7 См.: 🔗Быт. 10:4 | виссон со испещрением от Египта бысть тебе постеля, еже обложити тебе славу и облещи тя в синету и во багряницу от островов Елиссе, и бысть одежда твоя. |
27:8 См.: 🔗Быт. 10:15 | И князи твои живущии во Сидоне и Арадиане быша весленицы твои: премудрии твои, Сор, иже быша в тебе, сии кормчии твои. |
27:9 См.: 🔗3Цар. 5:18 🔗Пс. 82:8 | Старейшины Вивлийстии и премудрии их, иже быша в тебе, тии укрепляху совет твой: и вси корабли морстии и весленицы их быша в тебе ко западом западов. |
27:10 | Персяне и Лидяне и Ливиане беша в силе твоей, мужие доблии твои щиты и шлемы повесиша в тебе, сии даша славу твою. |
27:11 | Сынове Арадийстии и сила твоя на забралех твоих окрест: но и Мидяне во пиргах твоих быша стражие, тулы своя обесиша на забралех твоих окрест: сии совершиша твою доброту. |
27:12 | Кархидоняне купцы твои, от множества силы твоея, сребро и злато, и медь и железо, и чистое олово и свинец даша куплю твою. |
27:13 См.: 🔗Быт. 10:2 | Еллада вся и ближнии твои продаяху в тебе душы человечы, и сосуды медяны даша куплю твою. |
27:14 | От дому Форгамова кони и конники и мщята даша куплю твою. |
27:15 См.: 🔗Иер. 25:23 | Сынове Родийстии купцы твои от островов умножиша куплю твою, зубы слоновы, и вводимым воздавал еси мзды твоя. |
27:16 | Человеки куплю твою от множества примешенца твоего, стакти и пестроты и синету от Фарсиса, и рамоф и хорхор даша куплю твою. |
27:17 | Иуда и сынове Израилевы, сии купцы твои: продаянием пшеницы и миров и касии, и первый мед и елей и ритину даша примешенцу твоему. |
27:18 | Дамаск купцы твои от множества всея силы твоея, вино от Хелвона, и волну блещащуся от Милита, и вино Деданово и Ионаново и Меозелево в куплю твою даша. |
27:19 | От ассиила железо деланое и колеса в примесницех твоих суть. |
27:20 | Дедан купцы твои со скоты избранными в колесницы. |
27:21 См.: 🔗Быт. 25:13 🔗Иер. 2:10 | Аравиа и вси князи Кидарстии, сии купцы рукою твоею, велблюды и овны и агнцы в тебе продадят, имиже куплю творят. |
27:22 См.: 🔗Быт. 10:7 | Купцы Савы и Раммы, тии купцы твои с первыми сладостьми и со камением драгим, и злато даша куплю тебе. |
27:23 | Харран, Ханаа и Дедан, сии купцы твои: Сава, Ассур и Харман купцы твои, |
27:24 | приносяще куплю синету и червленицу, и испещренная и сокровища избранная связана ужами, и кипарисная. |
27:25 | Корабли, в тех купля твоя, (корабли) Кархидонстии купцы твои, во множестве смесник твоих, и насытился еси, и отягчал зело в сердцах морских. |
27:26 | В воде мнозе привождаху тя весленицы твои: ветр южный сокруши тя в сердцы морстем. |
27:27 См.: 🔗Отк. 18:17 | Быша силы твоя и мзда твоя от смесник твоих, и весленицы твои и кормчии твои, и советницы твои и смесницы от смесников твоих, и вси мужие твои доблии в тебе и весь сонм твой падут среде тебе в сердцы морстем, в день падения твоего. |
27:28 | От гласа вопля твоего кормчии твои страхом убоятся. |
27:29 | И снидут с кораблей своих вси весленицы твои, и всадницы и ловцы морстии на земли станут: |
27:30 См.: 🔗Отк. 18:9 | и воскликнут на тя гласом своим, и воскричат горце, и возложат землю на главы своя, и прах постелют: |
27:31 См.: 🔗Иер. 16:6 🔗Иер. 48:37 | и оплешивеют над тобою плешьми, и облекутся во вретище, и восплачутся о тебе в горести души, и плачем горьким ужаснутся: |
27:32 | и возмут о тебе сынове их плачь, возрыдают плаканием о тебе: кто якоже Тир умолкнувый среде моря? Колику обрел еси мзду от моря? |
27:33 | Наполнил еси страны от множества твоего и от смесник твоих обогатил еси вся цари земныя. |
27:34 | Ныне же сокрушился еси в мори, во глубинах водных смесницы твои, и весь сонм твой среде тебе падоша, и вси весленицы твои. |
27:35 См.: 🔗Отк. 18:11 | Вси же живущии во островех уныли по тебе, и царие их ужасом ужасошася, и прослезися лице их. |
27:36 | Купцы от язык позвиждут о тебе, в погибель был еси, и ктому не будеши в век, глаголет Господь Бог. |