Псалтирь, псалом 62

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 62
62:1 См.: 🔗1Цар. 23:14	Псалом Давиду, внегда быти ему в пустыни Иудейстей.
62:2 См.: 🔗Ис. 26:9 🔗Пс. 41:3	Боже, Боже мой, к Тебе утренюю: возжада Тебе душа моя, коль множицею Тебе плоть моя, в земли пусте и непроходне и безводне.
62:3 См.: 🔗Пс. 22:6 🔗Пс. 26:4	Тако во святем явихся Тебе, видети силу Твою и славу Твою.
62:4	Яко лучши милость Твоя паче живот: устне мои похвалите Тя.
62:5	Тако благословлю Тя в животе моем и о имени Твоем воздежу руце мои.
62:6	Яко от тука и масти да исполнится душа моя, и устнама радости восхвалят Тя уста моя.
62:7 См.: 🔗Пс. 34:28	Аще поминах Тя на постели моей, на утренних поучахся в Тя:
62:8 См.: 🔗Пс. 16:8	яко был еси помощник мой, и в крове крилу Твоею возрадуюся.
62:9 См.: 🔗Ис. 41:10	Прильпе душа моя по Тебе: мене же прият десница Твоя.
62:10 См.: 🔗Чис. 16:32	Тии же всуе искаша душу мою: внидут в преисподняя земли:
62:11	предадятся в руки оружия, части лисовом будут.
62:12 См.: 🔗Втор. 6:13 🔗Ис. 19:18 🔗Иер. 4:2	Царь же возвеселится о Бозе: похвалится всяк кленыйся Им, яко заградишася уста глаголющих неправедная.