Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 47 | |
47:1 | Псалом песни сынов Кореовых, вторыя субботы. |
47:2 | Велий Господь и хвален зело во граде Бога нашего, в горе святей Его, |
47:3 См.: 🔗Иез. 40:2 | благокоренным радованием всея земли: горы Сионския, ребра северова, град Царя великаго. |
47:4 | Бог в тяжестех его знаемь есть, егда заступает и. |
47:5 | Яко се, царие земстии собрашася, снидошася вкупе: |
47:6 См.: 🔗4Цар. 19:35 | тии видевше тако, удивишася, смятошася, подвигошася: |
47:7 См.: 🔗4Цар. 19:3 🔗Ис. 21:3 | трепет прият я тамо, болезни яко раждающия. |
47:8 См.: 🔗Ис. 27:8 | Духом бурным сокрушиши корабли Фарсийския. |
47:9 | Якоже слышахом, тако и видехом во граде Господа сил, во граде Бога нашего: Бог основа и в век. |
47:10 | Прияхом, Боже, милость Твою посреде людий Твоих. |
47:11 См.: 🔗4Цар. 19:15 🔗Деян. 19:17 | По имени Твоему, Боже, тако и хвала Твоя на концах земли: правды исполнь десница Твоя. |
47:12 | Да возвеселится гора Сионская, и да возрадуются дщери Иудейския, судеб ради Твоих, Господи. |
47:13 | Обыдите Сион и обымите его, поведите в столпех его: |
47:14 | положите сердца ваша в силу его, и разделите домы его, яко да повесте в роде инем. |
47:15 См.: 🔗Ис. 25:9 | Яко Той есть Бог наш во век и в век века: Той упасет нас во веки. |