Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 36 | |
36:1 См.: 🔗Прит. 23:17 🔗Прит. 24:1 | Не ревнуй лукавнующым, ниже завиди творящым беззаконие. |
36:2 | Зане яко трава скоро изсшут, и яко зелие злака скоро отпадут. |
36:3 | Уповай на Господа и твори благостыню: и насели землю, и упасешися в богатстве ея. |
36:4 | Насладися Господеви, и даст ти прошения сердца твоего. |
36:5 См.: 🔗Пс. 54:23 | Открый ко Господу путь твой и уповай на Него, и Той сотворит. |
36:6 См.: 🔗Ис. 58:8 | И изведет яко свет правду твою и судбу твою яко полудне. |
36:7 | Повинися Господеви и умоли Его. Не ревнуй спеющему в пути своем, человеку творящему законопреступление. |
36:8 См.: 🔗Еф. 4:26 | Престани от гнева и остави ярость: не ревнуй, еже лукавновати, |
36:9 См.: 🔗Ис. 34:17 | зане лукавнующии потребятся, терпящии же Господа, тии наследят землю. |
36:10 | И еще мало, и не будет грешника: и взыщеши место его и не обрящеши. |
36:11 См.: 🔗Мф. 5:5 | Кротцыи же наследят землю и насладятся о множестве мира. |
36:12 | Назирает грешный праведнаго и поскрежещет нань зубы своими: |
36:13 | Господь же посмеется ему, зане прозирает, яко приидет день его. |
36:14 | Мечь извлекоша грешницы, напрягоша лук свой, низложити убога и нища, заклати правыя сердцем. |
36:15 | Мечь их да внидет в сердца их, и луцы их да сокрушатся. |
36:16 См.: 🔗Мк. 8:8 | Лучше малое праведнику, паче богатства грешных многа. |
36:17 См.: 🔗Иер. 48:25 | Зане мышцы грешных сокрушатся, утверждает же праведныя Господь. |
36:18 | Весть Господь пути непорочных, и достояние их в век будет. |
36:19 См.: 🔗Иов. 5:20 🔗Пс. 32:19 | Не постыдятся во время лютое и во днех глада насытятся, яко грешницы погибнут. |
36:20 См.: 🔗Пс. 67:3 | Врази же Господни, купно прославитися им и вознестися, изчезающе яко дым изчезоша. |
36:21 | Заемлет грешный и не возвратит: праведный же щедрит и дает. |
36:22 См.: 🔗Пс. 24:13 🔗Прит. 2:21 | Яко благословящии Его наследят землю, кленущии же Его потребятся. |
36:23 | От Господа стопы человеку исправляются, и пути Его восхощет зело. |
36:24 См.: 🔗Пс. 144:14 🔗Прит. 24:16 | Егда падет, не разбиется, яко Господь подкрепляет руку его. |
36:25 См.: 🔗Сир. 2:10 | Юнейший бых, ибо состарехся, и не видех праведника оставлена, ниже семене его просяща хлебы. |
36:26 См.: 🔗Пс. 111:5 | Весь день милует и взаим дает праведный, и семя его во благословение будет. |
36:27 См.: 🔗Пс. 33:15 🔗Ис. 1:16 | Уклонися от зла и сотвори благо, и вселися в век века. |
36:28 См.: 🔗3Цар. 8:57 | Яко Господь любит суд и не оставит преподобных Своих: во век сохранятся: беззаконницы же изженутся, и семя нечестивых потребится. |
36:29 См.: 🔗Мф. 5:5 | Праведницы же наследят землю и вселятся в век века на ней. |
36:30 См.: 🔗Прит. 10:31 🔗Мф. 12:35 | Уста праведнаго поучатся премудрости, и язык его возглаголет суд. |
36:31 См.: 🔗Ис. 51:7 | Закон Бога его сердцы его, и не запнутся стопы его. |
36:32 | Сматряет грешный праведнаго и ищет еже умертвити его: |
36:33 | Господь же не оставит его в руку его, ниже осудит его, егда судит ему. |
36:34 | Потерпи Господа и сохрани путь Его, и вознесет тя еже наследити землю: внегда потреблятися грешником, узриши. |
36:35 См.: 🔗Пс. 72:6 🔗Иез. 31:3 | Видех нечестиваго превозносящася и высящася яко кедры Ливанския: |
36:36 | и мимо идох, и се, не бе, и взысках его, и не обретеся место его. |
36:37 | Храни незлобие и виждь правоту, яко есть останок человеку мирну. |
36:38 | Беззаконницы же потребятся вкупе: останцы же нечестивых потребятся. |
36:39 См.: 🔗Есф. 8:16 🔗Пс. 45:2 | Спасение же праведных от Господа, и защититель их есть во время скорби: |
36:40 См.: 🔗Прем. 3:9 🔗Дан. 6:23 | и поможет им Господь и избавит их, и измет их от грешник и спасет их, яко уповаша на Него. |