Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 35 | |
35:1 | Соблюдаяй закон умножает приношения, приносит жертву спасения внимаяй заповедем. |
35:2 См.: 🔗Тов. 4:8 🔗Флп. 4:18 | Воздаяй благодать аки приносяй семидал, и творяй милостыню аки жряй жертву хваления. |
35:3 См.: 🔗Ис. 1:11 | Благоволение Господне еже отступити от лукавства, и очищение есть еже отступити от неправды. |
35:4 См.: 🔗Исх. 23:15 🔗Втор. 16:16 | Не явися пред Господем тощь: вся бо сия заповеди ради. |
35:5 См.: 🔗Быт. 4:4 | Приношение праведнаго утучняет олтарь, и благоухание его пред Вышним: |
35:6 | жертва мужа праведнаго приятна, и память ея не забвена будет. |
35:7 См.: 🔗Исх. 23:19 | Оком благим прослави Господа и не умали от начатка рук твоих: |
35:8 См.: 🔗2Кор. 9:7 | во всяцем даянии весело имей лице твое и со веселием освяти десятину. |
35:9 См.: 🔗Тов. 4:8 | Даждь Вышнему по даянию Его, и оком благим приобретение руки: |
35:10 | яко Господь воздаяй есть и седмерицею воздаст ти. |
35:11 | Дара не умаляй, ибо не приимет, и не внимай жертве неправедней: |
35:12 См.: 🔗Втор. 10:17 | яко Господь судия есть, и несть у Него славы лица. |
35:13 | Не приимет лица на убога и молитву обидимаго услышит: |
35:14 | не презрит молитвы сираго, ни вдовицы, егда излиет прошение. |
35:15 См.: 🔗Исх. 22:22 🔗Втор. 27:19 | Не слезы ли вдовичи по ланитома текут, и вопль ея на наведшаго я? |
35:16 | Служай (Богу) во благоволении прият будет, и молитва его до облак дойдет: |
35:17 См.: 🔗Иак. 5:16 | молитва смиреннаго пройде облаки, и дондеже приближится, не утешится, |
35:18 См.: 🔗Исх. 2:24 | и не отступит, дондеже посетит Вышний, судит в правду и сотворит суд: |
35:19 См.: 🔗2Пет. 3:9 | и Господь не замедлит, ниже имать долготерпети о них, дондеже сокрушит чресла немилостивых. |
35:20 | И языком воздаст месть, дондеже потребит множество досадителей и скиптры неправедных сокрушит: |
35:21 | дондеже воздаст человеку по деянием его, по делом человеческим и помышлением их: |
35:22 | дондеже разсудит судом люди Своя и возвеселит я милостию Своею. |
35:23 | Коль красна милость во время скорби его, якоже облацы дождевнии во время бездождия. |