Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 48 | |
48:1 См.: 🔗Иез. 25:8 | О Моаве тако рече Господь Вседержитель, Бог Израилев: о, люте Нававу, яко погибе, взяся Кариафаим, посрамися Масигаф и побежден есть. |
48:2 См.: 🔗Иер. 11:19 | Несть ктому целение в Моаве, веселие во Есевоне, помыслиша нань злая: приидите и потребим я от язык: (сего ради) молчя умолкнеши, пойдет за тобою мечь. |
48:3 | Глас вопля от Оронаима, погубление и сотрение велико. |
48:4 | Сотреся Моав, возвестите вопль малых его. |
48:5 См.: 🔗Ис. 15:5 | Яко исполнися Алаоф плача: взыдет рыдая путем Оронаима, врази, вопль сотрения слышасте. |
48:6 | Бежите и спасите душы вашя, и будете яко осел дивий в пустыни. |
48:7 | Понеже имел еси надежду во оградах твоих и в сокровищих твоих, и ты ят будеши: и пойдет Хамос во преселение, и священницы его и князи его вкупе. |
48:8 | И приидет губитель на всяк град, и не избавится ни един град, и погибнут удолия, и погубятся поля, якоже рече Господь. |
48:9 | Дайте знамение Моаву, яко прикосновением прикосновен будет, и вси гради его будут пусти и без живущих. |
48:10 | Проклят (человек) творяй дело Господне с небрежением, и проклят возбраняяй мечу своему от крове. |
48:11 См.: 🔗Соф. 1:12 | Почиваше Моав от младости своея и бе уповая на славу свою: не прелияся от сосуда в сосуд и во преселение не отиде: сего ради пребысть вкус его в нем, и воня его несть пременена. |
48:12 | Сего ради, се, дние грядут, глаголет Господь, и послю ему преселители, и преселят его, и сосуды его истощат и роги его сокрушат: |
48:13 См.: 🔗3Цар. 12:29 | и посрамится Моав от Хамоса, якоже посрамлен есть дом Израилев от Вефиля, в немже имяху надежду. |
48:14 | Како глаголете: сильни есмы и мужие крепцы во бранех? |
48:15 | Погибе Моав, град его, и избраннии юноши его снидоша под мечь, глаголет Царь, Господь Вседержитель имя Его. |
48:16 | Близ день Моавль, еже приити, и зло его скоро зело. |
48:17 | Утешайте его вси, иже окрест его, и вси ведящии имя его: рцыте, како сокрушися жезл крепости, палица славна? |
48:18 См.: 🔗Ис. 47:1 | Сниди от славы и сяди, во влаге живущая, дщи Дивоня, яко губитель Моавский взыдет на тя разрушаяй ограды твоя. |
48:19 | На пути стани и воззри, живущая во Ароире, и вопроси бежащаго и избегшаго, и рцы: что се бысть? |
48:20 См.: 🔗Ис. 16:7 | Посрамися Моав, зане побежден есть: рыдайте и вопийте, возвестите во Арноне, яко погибе Моав, |
48:21 | и суд прииде на землю напольную, на Хелон и на Рефас и на Мофаф, |
48:22 | и на Девон и на Наво и на дом Девлафаим, |
48:23 | и на Кариафаим и на Вефгамул и на дом Маонов, |
48:24 | и на Кариоф и на Восора и на вся грады Моавли, иже далече и иже близ суть. |
48:25 См.: 🔗Плч. 2:3 🔗Иез. 30:21 | Отсечен есть рог Моавль, и мышца его сокрушися, глаголет Господь: |
48:26 | упойте его, яко на Господа возвеличися, и приразит Моав руку свою (о блевотину), и будет в посмех и сам. |
48:27 См.: 🔗Иер. 2:26 | И аще не в посмех бысть тебе Израиль, аще в татстве твоем обретеся, яко воевал еси его: преселишися инамо. |
48:28 | Оставите грады и пребывайте на камени, живущии в Моаве, и будите якоже голуби гнездящиися в каменех, во устех скважни. |
48:29 См.: 🔗Ис. 16:6 | Слышахом гордость Моавлю, горд бе зело: презорство его и кичение его, возношение и воздвижение сердца его. |
48:30 | Аз же вем дела его, глаголет Господь: не доволство ли его тако сотвори? |
48:31 | Сего ради над Моавом возрыдайте всюду, возопийте над мужи Кирады смущения. |
48:32 См.: 🔗Ис. 16:8 | Яко плачем Иазировым восплачуся о тебе, винограде Асеримль! Леторасли твоя проидоша море, градов Иазировых коснушася, на жатву твою и на винное собирание твое хищник нападе. |
48:33 См.: 🔗Ис. 16:10 | Отята есть радость и веселие от Кармила и от земли Моавли, и вино от точил отях: никакоже изгнетаяй винну ягоду по обычаю песни воспоет. |
48:34 См.: 🔗Иер. 25:25 🔗Ис. 15:4 | От вопля Есевонска даже до Елеала и Иаса грады их даша глас свой, от Сигора даже до Оронаима, и юница трилетная, понеже и воды Немрим во сожжение будут. |
48:35 | И отиму Моава, глаголет Господь, жрущаго на горах и кадящаго богом своим. |
48:36 См.: 🔗Ис. 16:11 🔗Плч. 1:20 | Того ради сердце Моава, яко цевницы звяцати будут, и сердце мое к мужем Кирады яко цевница звяцати будет: сего ради, яже пристяжа, погибоша от человек. |
48:37 См.: 🔗Ис. 15:2 🔗Иез. 7:18 | Всяка бо глава на всяцем месте острижена будет, и всяка брада оброснется, и всяка рука посечена будет, и на всяцем чресле вретище, |
48:38 См.: 🔗Иер. 22:28 🔗Иер. 51:34 | и на всех храминах Моавских и на стогнах его всяк плачь, понеже сокруших Моава, якоже сосуд непотребен, глаголет Господь. |
48:39 | Како изменися? Возрыдаша, како обрати хребет Моав и посрамися? И бысть Моав в посмех и в ненависть всем окрест себе. |
48:40 | Яко тако глаголет Господь: се, якоже орел полетит и распрострет криле свои на Моава, |
48:41 См.: 🔗Иер. 30:6 | взят есть Кариоф, и ограды его обстоимы суть: и будет сердце сильных Моавских в той день, яко сердце жены родящия. |
48:42 | И погибнет Моав от людий, яко на Господа возвеличися. |
48:43 См.: 🔗Ис. 24:17 | Страх и пропасть и сеть на тя, о, живущий в Моаве, глаголет Господь. |
48:44 См.: 🔗Ам. 5:19 | Иже убежит от лица страха, впадет в пропасть: и излазяй из пропасти имется сетию: понеже наведу сия на Моава в лето посещения их, глаголет Господь. |
48:45 См.: 🔗Чис. 21:28 | Во стени Есевонстей сташа от силы избегше, огнь бо изыде от Есевона и пламень от среды Сеона, и пожже часть Моава и верх сынов смятения. |
48:46 См.: 🔗Чис. 21:29 | Горе тебе, Моаве! Погибоша людие Хамоса, яко отведошася сынове твои и дщери твоя в плен. |
48:47 См.: 🔗Иер. 49:39 | И возвращу плен Моавль в последния дни, глаголет Господь. До зде суд Моавль. |