Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 5 | |
5:1 См.: 🔗Лк. 6:24 🔗1Тим. 6:9 | Приидите ныне, богатии, плачитеся и рыдайте о лютых скорбех ваших грядущих на вы. |
5:2 | Богатство ваше изгни, и ризы вашя молие поядоша. |
5:3 См.: 🔗Мф. 6:19 | Злато ваше и сребро изоржаве, и ржа их в послушество на вас будет, и снесть плоти вашя аки огнь: егоже снискасте в последния дни. |
5:4 См.: 🔗Втор. 24:14 | Се, мзда делателей делавших нивы вашя, удержаная от вас, вопиет, и вопиения жавших во ушы Господа Саваофа внидоша. |
5:5 См.: 🔗Иов. 21:13 🔗Лк. 6:25 | Возвеселистеся на земли, и насладистеся: упитасте сердца ваша аки в день заколения. |
5:6 | Осудисте, убисте Праведнаго: не противится вам. |
5:7 | Долготерпите убо, братие моя, до пришествия Господня. Се земледелец ждет честнаго плода от земли, долготерпя о нем, дондеже приимет дождь ран и позден: |
5:8 См.: 🔗Лк. 21:9 🔗Евр. 10:36 | долготерпите убо и вы, утвердите сердца ваша, яко пришествие Господне приближися. |
5:9 | Не воздыхайте друг на друга, братие, да не осуждени будете: се, Судия пред дверьми стоит. |
5:10 См.: 🔗Мф. 5:12 | Образ приимите, братие моя, злострадания и долготерпения пророки, иже глаголаша именем Господним. |
5:11 См.: 🔗Иов. 1:21 | Се, блажим терпящыя. Терпение Иовле слышасте, и кончину Господню видесте, яко многомилостив есть Господь и щедр. |
5:12 См.: 🔗Мф. 5:34 | Прежде же всех, братие моя, не кленитеся ни небом, ни землею, ни иною коею клятвою: буди же вам еже ей, ей, и еже ни, ни: да не в лицемерие впадете. |
5:13 | Злостраждет ли кто в вас? Да молитву деет: благодушствует ли кто? Да поет. |
5:14 См.: 🔗Мк. 6:13 | Болит ли кто в вас, да призовет пресвитеры Церковныя, и да молитву сотворят над ним, помазавше его елеем во имя Господне: |
5:15 См.: 🔗Мф. 9:2 | и молитва веры спасет болящаго, и воздвигнет его Господь: и аще грехи сотворил есть, отпустятся ему. |
5:16 См.: 🔗Пс. 144:19 | Исповедайте убо друг другу согрешения и молитеся друг за друга, яко да исцелеете: много бо может молитва праведнаго поспешествуема. |
5:17 См.: 🔗3Цар. 17:1 🔗Лк. 4:25 | Илиа человек бе подобострастен нам, и молитвою помолися, да не будет дождь, и не одожди по земли лета три и месяц шесть: |
5:18 См.: 🔗3Цар. 18:42 | и паки помолися, и небо дождь даде, и земля прозябе плод свой. |
5:19 | Братие, аще кто в вас заблудит от пути истины, и обратит кто его, |
5:20 | да весть, яко обративый грешника от заблуждения пути его спасет душу от смерти и покрыет множество грехов. |