Книга Исход, глава 15

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 15
15:1 См.: 🔗Пс. 105:12	Поим Господви, славно бо прославися: коня и всадника вверже в море:
15:2 См.: 🔗Пс. 117:6 🔗Ис. 12:2	Помощник и Покровитель бысть мне во спасение: Сей мой Бог и прославлю Его, Бог отца моего и вознесу Его:
15:3 См.: 🔗Суд. 20:35 🔗Исх. 3:14 🔗Ос. 12:5	Господь сокрушаяй брани, Господь имя Ему,
15:4	колесницы фараоновы и силу его вверже в море, избранныя всадники тристаты потопи в Чермнем мори,
15:5 См.: 🔗Неем. 9:11 🔗Отк. 18:21	пучиною покры их, погрязоша во глубине яко камень:
15:6 См.: 🔗Пс. 117:15	десница Твоя, Господи, прославися в крепости, десная Твоя рука, Господи, сокруши враги:
15:7 См.: 🔗Исх. 14:27 🔗Ис. 5:24 🔗Ис. 47:14	и множеством славы Твоея стерл еси сопротивных, послал еси гнев Твой, пояде я яко стеблие,
15:8 См.: 🔗Ис. 63:12	и духом ярости Твоея разступися вода: огустеша яко стена воды, огустеша и волны посреде моря:
15:9 См.: 🔗Исх. 14:3	рече враг: гнав постигну, разделю корысть, исполню душу мою, убию мечем моим, господствовати будет рука моя:
15:10 См.: 🔗Пс. 73:13	послал еси духа Твоего, покры я море, погрязоша яко олово в воде зелней:
15:11 См.: 🔗Исх. 18:11 🔗1Цар. 2:2 🔗Пс. 39:6	кто подобен Тебе в бозех, Господи, кто подобен Тебе? Прославлен во святых, дивен в славе, Творяй чудеса:
15:12	простерл еси десницу Свою, пожре я земля,
15:13 См.: 🔗Пс. 76:21	наставил еси правдою Твоею люди Твоя сия, яже избавил еси, утешил еси крепостию Твоею во обитель святую Твою:
15:14 См.: 🔗Нав. 2:9	слышаша языцы и прогневашася, болезни прияша живущии в Филистиме:
15:15	тогда потщашася владыцы Едомстии и князи Моавитстии, прият я трепет: растаяша вси живущии в Ханаане:
15:16 См.: 🔗Втор. 4:37	да нападет на ня страх и трепет: величием мышцы Твоея да окаменятся, дондеже пройдут людие Твои, Господи, дондеже пройдут людие Твои сии, яже стяжал еси:
15:17 См.: 🔗Пс. 43:2 🔗Пс. 79:9	введ насади я в гору достояния Твоего, в готовое жилище Твое, еже соделал еси, Господи, святыню, Господи, юже уготовасте руце Твои:
15:18 См.: 🔗Пс. 88:19	Господь царствуяй веки, и на век, и еще:
15:19 См.: 🔗Исх. 14:22	егда вниде конница фараонова с колесницами и всадники в море, и наведе на них Господь воду морскую: сынове же Израилевы проидоша сушею посреде моря.
15:20 См.: 🔗Пс. 67:26	Взя же Мариам пророчица, сестра Ааронова, тимпан в руце свои, и изыдоша вся жены вслед ея со тимпаны и лики:
15:21	преднача же им Мариам, глаголющи: поим Господви, славно бо прославися: коня и всадника вверже в море.
15:22 См.: 🔗Быт. 16:7 🔗Чис. 33:8	Поят же Моисей сыны Израилевы от моря Чермнаго и веде их в пустыню Сур: и идяху три дни в пустыни, и не обретаху воды пити.
15:23	Приидоша же в Мерру, и не можаху пити воды от Мерры, горька бо бе: сего ради наречеся имя месту тому Горесть.
15:24	И роптаху людие на Моисеа, глаголюще: что пием?
15:25 См.: 🔗Сир. 38:5	Возопи же Моисей ко Господу, и показа ему Господь древо, и вложи е в воду, и усладися вода: тамо положи ему оправдания и судбы, и тамо его искуси,
15:26 См.: 🔗Исх. 23:25 🔗Втор. 7:15 🔗Ис. 3:7	и рече: аще слухом услышиши глас Господа Бога твоего, и угодная пред ним сотвориши, и внушиши заповедем Его, и сохраниши вся оправдания Его: всяку болезнь, юже наведох Египтяном, не наведу на тя: Аз бо есмь Господь Бог твой исцеляяй тя.
15:27 См.: 🔗Чис. 33:9	И приидоша во Елим, и бяху тамо дванадесять источников вод, и седмьдесят стеблий финиковых: и ополчишася тамо при водах.