Псалтирь, псалом 76

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 76
76:1 См.: 🔗Пс. 38:1	В конец, о Идифуме, псалом Асафу.
76:2	Гласом моим ко Господу воззвах, гласом моим к Богу, и внят ми.
76:3 См.: 🔗2Пар. 20:3 🔗Пс. 17:7 🔗Пс. 49:15	В день скорби моея Бога взысках рукама моима, нощию пред ним, и не прельщен бых: отвержеся утешитися душа моя.
76:4	Помянух Бога и возвеселихся, поглумляхся, и малодушствоваше дух мой.
76:5	Предваристе стражбы очи мои: смятохся и не глаголах.
76:6 См.: 🔗Пс. 142:5	Помыслих дни первыя, и лета вечная помянух, и поучахся:
76:7 См.: 🔗Ис. 26:9	нощию сердцем моим глумляхся, и тужаше дух мой:
76:8 См.: 🔗Пс. 12:2 🔗Пс. 84:6 🔗Плч. 3:31	еда во веки отринет Господь и не приложит благоволити паки?
76:9	Или до конца милость Свою отсечет, сконча глаголгол от рода в род?
76:10 См.: 🔗Мк. 4:38	Еда забудет ущедрити Бог? Или удержит во гневе Своем щедроты Своя?
76:11 См.: 🔗Ис. 41:10	И рех: ныне начах, сия измена десницы Вышняго.
76:12 См.: 🔗Втор. 32:7 🔗Пс. 70:17 🔗Пс. 104:2	Помянух дела Господня: яко помяну от начала чудеса Твоя,
76:13	и поучуся во всех делех Твоих, и в начинаниих Твоих поглумлюся.
76:14 См.: 🔗Пс. 88:9	Боже, во святем путь Твой: кто Бог велий, яко Бог наш?
76:15 См.: 🔗Лк. 1:51	Ты еси Бог творяй чудеса: сказал еси в людех силу Твою,
76:16 См.: 🔗Исх. 14:19	избавил еси мышцею Твоею люди Твоя, сыны Иаковли и Иосифовы.
76:17 См.: 🔗Исх. 14:21	Видеша Тя воды, Боже, видеша Тя воды и убояшася: смятошася бездны.
76:18	Множество шума вод: глас даша облацы, ибо стрелы Твоя преходят.
76:19 См.: 🔗Иов. 37:5	Глас грома Твоего в колеси, осветиша молния твоя вселенную: подвижеся и трепетна бысть земля.
76:20 См.: 🔗Иов. 38:16 🔗Авв. 3:15	В мори путие Твои, и стези Твоя в водах многих, и следы Твои не познаются.
76:21 См.: 🔗Исх. 14:15	Наставил еси яко овцы люди Твоя рукою Моисеовою и Ааронею.