Книга пророка Исаии, глава 26

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 26
26:1 См.: 🔗Пс. 45:2 🔗Пс. 124:1 🔗Прит. 18:11	В той день воспоют песнь сию в земли Иудейстей, глаголюще: се, град крепок, и спасение нам положит стену и ограждение.
26:2 См.: 🔗Пс. 117:19	Отверзите врата, да внидут людие хранящии правду и хранящии истину,
26:3 См.: 🔗Ис. 27:5	приемлющии истину и хранящии мир.
26:4 См.: 🔗Втор. 32:4	Яко на тя надеянием надеяшася, Господи, во век, Боже великий, вечный,
26:5 См.: 🔗Ис. 25:12	иже смирив низвел еси живущыя в высоких: грады крепкия разориши и обнизиши я даже до земли.
26:6 См.: 🔗Ис. 28:3	И поперут я ноги кротких и смиренных.
26:7	Путь благочестивых прав бысть, и приуготован путь благочестивых.
26:8 См.: 🔗Пс. 43:18	Путь бо Господень суд: уповахом на имя Твое и память, еяже желает душа наша.
26:9 См.: 🔗Пс. 76:7	От нощи утренюет дух мой к Тебе, Боже, зане свет повеления Твоя на земли: правде научитеся, живущии на земли.
26:10 См.: 🔗Ис. 5:12 🔗Деян. 12:19	Преста бо нечестивый: всяк, иже не научится правде на земли, истины не сотворит: да возмется нечестивый, да не видит славы Господни.
26:11 См.: 🔗Ис. 33:3 🔗Мф. 21:15	Господи, высока Твоя мышца, и не ведеша, разумевше же постыдятся: ревность приимет люди ненаказанныя, и ныне огнь супостаты пояст.
26:12 См.: 🔗Рим. 8:28	Господи Боже наш, мир даждь нам, вся бо воздал еси нам.
26:13	Господи Боже наш, стяжи ны: Господи, разве Тебе иного не вемы: имя Твое именуем.
26:14 См.: 🔗Отк. 20:5	Мертвии же живота не имут видети, ниже врачеве воскресят: сего ради навел еси и погубил еси, и взял еси всяк мужеск пол их.
26:15	Приложи им зла, Господи, приложи зла славным земли.
26:16 См.: 🔗Пс. 17:7	Господи, в скорби помянухом Тя, в скорби мале наказание Твое нам.
26:17 См.: 🔗Ин. 16:21 🔗4Цар. 19:3 🔗Ис. 13:8	И яко болящая приближается родити и в болезни своей воскрича, тако быхом возлюбленному Твоему.
26:18	Страха ради Твоего, Господи, во чреве прияхом и поболехом, и родихом дух спасения Твоего, егоже сотворихом на земли: не падемся, но падутся вси живущии на земли.
26:19 См.: 🔗4Цар. 4:35 🔗Иез. 37:3	Воскреснут мертвии и востанут иже во гробех, и возрадуются иже на земли: роса бо, яже от Тебе, изцеление им есть, земля же нечестивых падет.
26:20 См.: 🔗Пс. 29:6 🔗Ис. 54:8	Идите, людие мои, внидите во храмину вашу, затворите двери своя, укрыйтеся мало елико елико, дондеже мимоидет гнев Господень.
26:21 См.: 🔗Мих. 1:3	Се бо, Господь от святаго (места) наводит гнев на живущыя на земли: и открыет земля кровь свою и не покрыет избиеных.