Книга Иова, глава 18

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 18
18:1 См.: 🔗Иов. 8:1 🔗Иов. 25:1	Отвещав же Валдад Савхейский, рече:
18:2	доколе не престанеши? Пожди, да и мы возглаголем.
18:3	И почто аки четвероножная умолчахом пред тобою?
18:4	Пребысть ти гнев. Что бо? Аще ты умреши, не населенна ли будет поднебесная? Или превратятся горы из оснований?
18:5 См.: 🔗Иов. 21:17	И свет нечестивых угаснет, и не произыдет их пламень:
18:6 См.: 🔗Иов. 29:3 🔗Прит. 13:9	свет его тма в жилищи, светилник же в нем угаснет:
18:7 См.: 🔗Есф. 7:9	да уловят меншии имения его, погрешит же его совет:
18:8	ввержена же бысть нога его в пругло, мрежею да повиется:
18:9 См.: 🔗Иов. 5:5	да приидут же нань пругла, укрепит нань жаждущих:
18:10	скрыся в земли уже его, и ятие его на стези.
18:11 См.: 🔗Иов. 27:20	Окрест да погубят его болезни: мнози же окрест ног его обыдут во гладе теснем:
18:12	падение же ему уготовано велико.
18:13	Поядены же да будут плесны ног его, красная же его да пояст смерть.
18:14 См.: 🔗Иов. 11:20	Отторжено же буди от жития его изцеление, да имет же его беда виною царскою.
18:15 См.: 🔗Быт. 19:24	Да вселится в храмине его в нощи его, посыпана да будут лепотная его жупелом:
18:16 См.: 🔗Ам. 2:9	под ним корения его да изсохнут, свыше же нападет пожатие его.
18:17 См.: 🔗Прит. 2:22	Память его да погибнет от земли, и (не) будет имя его на лицы внешнем:
18:18	да отринет его от света во тму:
18:19 См.: 🔗Пс. 36:28 🔗Прем. 3:16	не будет знаемь в людех его, ниже спасен в поднебесней дом его:
18:20 См.: 🔗Пс. 36:13	но в своих ему поживут инии, над ним воздохнуша последнии, первых же объя чудо.
18:21 См.: 🔗Иов. 20:29	Сии суть домове неправедных, сие же место неведущих Бога.