Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 26 | |
26:1 | Якоже роса в жатву и якоже дождь в лете, тако несть безумному чести. |
26:2 | Якоже птицы отлетают и врабиеве, тако клятва суетная не найдет ни на когоже. |
26:3 См.: 🔗Пс. 31:9 | Якоже бичь коню и остен ослу, тако жезл языку законопреступну. |
26:4 См.: 🔗Мф. 21:27 | Не отвещай безумному по безумию его, да не подобен ему будеши: |
26:5 | но отвещай безумному по безумию его, да не явится мудр у себе. |
26:6 | От путий своих поношение творит, иже посла вестником безумным слово. |
26:7 | Отими шествие от глезн и законопреступление от уст безумных. |
26:8 | Иже привязует камень в пращи, подобен есть дающему безумному славу. |
26:9 | Терния прозябают в руце пияницы, и порабощение в руце безумных. |
26:10 | Многими волнуется всяка плоть безумных, сокрушается бо изступление их. |
26:11 См.: 🔗2Пет. 2:22 | Якоже пес, егда возвратится на своя блевотины, и мерзок бывает, тако безумный своею злобою возвращься на свой грех. Есть стыд наводяй грех, и есть стыд слава и благодать. |
26:12 См.: 🔗Ис. 5:21 🔗Рим. 12:16 | Видех мужа непщевавша себе мудра быти, упование же имать безумный паче его. |
26:13 См.: 🔗Прит. 22:13 | Глаголет ленивый послан на путь: лев на путех, на стогнах же разбойницы. |
26:14 | Якоже дверь обращается на пяте, тако ленивый на ложи своем. |
26:15 См.: 🔗Прит. 19:24 | Скрыв ленивый руку в недро свое не возможет принести ко устом. |
26:16 См.: 🔗Лк. 19:21 | Мудрейший себе ленивый является, паче во изюбилии износящаго весть. |
26:17 | Якоже держай за ошиб пса, тако председателствуяй чуждему суду. |
26:18 | Якоже врачуемии мещут словеса на человеки, сретаяй же словом первый запнется: |
26:19 | тако вси коварствующии над своими други: егда же увидени будут, глаголют, яко играя содеях. |
26:20 | Во мнозех древех растет огнь: а идеже несть разгневляюща, умолкает свар. |
26:21 См.: 🔗Сир. 28:11 | Огнище углию, и дрова огневи: муж же клеветлив в мятеж свара. |
26:22 См.: 🔗Пс. 54:22 | Словеса ласкателей мягка: сия же ударяют в сокровища утроб. |
26:23 | Сребро даемо с лестию, якоже скудель вменяемо: устне гладки сердце покрывают прискорбно. |
26:24 См.: 🔗Деян. 16:17 | Устнама вся обещавает плачай враг, в сердцы же содевает лесть. |
26:25 См.: 🔗1Цар. 26:25 | Аще тя молит враг велиим гласом, не веруй ему, седмь бо есть лукавствий в души его. |
26:26 | Таяй вражду составляет лесть: открывает же своя грехи благоразумный на сонмищих. |
26:27 | Изрываяй яму искреннему впадется в ню: валяяй же камень на себе валит. |
26:28 | Язык лжив ненавидит истины, уста же непокровенна творят нестроение. |