Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 46 | |
46:1 См.: 🔗Иер. 50:2 | Паде Вил, сокрушися Дагон, быша ваяния их во звери и скоты: носите я связана яко бремя труждающемуся и разслабевшу, |
46:2 | и алчущу и не могущу вкупе, иже не возмогут спастися от рати, сами же пленени приведошася. |
46:3 | Послушайте Мене, доме Иаковль и весь останок Израилев, носимии от чрева и наказуемии от детска даже до старости: |
46:4 См.: 🔗Пс. 70:9 | Аз есмь, и дондеже состареетеся, Аз есмь, Аз терплю вам, Аз сотворих и Аз понесу, Аз подиму и спасу вы. |
46:5 См.: 🔗Ис. 40:18 🔗Ис. 41:7 | Кому Мя уподобисте? Видите, ухитрите, заблуждающии, |
46:6 См.: 🔗Суд. 17:4 | слагающии злато из меха, и сребро весом поставляют в мериле, и наемше златаря сотвориша рукотворенная, и преклоншеся покланяются им: |
46:7 См.: 🔗Иер. 10:5 🔗Вар. 4:7 | воздвижут я на рамех и ходят: аще же положат я на месте своем, ту лежат, ниже подвижутся: и иже аще возопиет к ним, не услышат, от бед не спасут его. |
46:8 | Помяните сия и возстените, покайтеся, прельстившиися, обратитеся сердцем |
46:9 См.: 🔗Втор. 32:39 | и помяните первая от века, яко Аз есмь Бог, и несть еще разве Мене: |
46:10 См.: 🔗Пс. 32:11 🔗Евр. 6:17 | возвещаяй первее последняя, прежде неже быти им, и абие сбышася: и рекох: весь совет Мой станет, и вся, елика совещах, сотворю. |
46:11 См.: 🔗Пс. 32:9 | Призываяй от восток птицу, и от земли издалеча, о нихже совещах: рекох и приведох, создах и сотворих, приведох и и благопоспеших путь его. |
46:12 | Послушайте Мене, погубльшии сердце, сущии далече от правды: |
46:13 | приближих правду Мою, и не удалится, и спасение, еже от Мене, не умедлю: дах в Сионе спасение Израилю во прославление. |