Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 88 | |
88:1 См.: 🔗1Пар. 15:17 | Разума Ефама Израилтянина. |
88:2 См.: 🔗Пс. 91:3 | Милости Твоя, Господи, во век воспою, в род и род возвещу истину Твою усты моими. |
88:3 | Зане рекл еси: в век милость созиждется: на небесех уготовится истина Твоя. |
88:4 См.: 🔗2Цар. 7:12 🔗Пс. 131:11 | Завещах завет избранным Моим, кляхся Давиду рабу Моему: |
88:5 | до века уготоваю семя твое, и созижду в род и род престол твой. |
88:6 | Исповедят небеса чудеса Твоя, Господи, ибо истину Твою в церкви святых. |
88:7 См.: 🔗Пс. 85:8 | Яко кто во облацех уравнится Господеви? Уподобится Господеви в сынех Божиих? |
88:8 | Бог прославляемь в совете святых, велий и страшен есть над всеми окрестными Его. |
88:9 См.: 🔗Пс. 76:14 🔗Отк. 19:15 | Господи Боже сил, кто подобен Тебе? Силен еси, Господи, и истина Твоя окрест Тебе. |
88:10 См.: 🔗Пс. 106:29 🔗Мф. 8:26 | Ты владычествуеши державою морскою: возмущение же волн его Ты укрочаеши. |
88:11 | Ты смирил, еси, яко язвена, гордаго: мышцею силы Твоея расточил еси враги Твоя. |
88:12 См.: 🔗Быт. 1:1 | Твоя суть небеса, и Твоя есть земля: вселенную и исполнение ея Ты основал еси. |
88:13 | Север и море Ты создал еси: Фавор и Ермон о имени Твоем возрадуетася. |
88:14 | Твоя мышца с силою: да укрепится рука Твоя, и вознесется десница Твоя. |
88:15 См.: 🔗Пс. 92:2 | Правда и судба уготование престола Твоего: милость и истина предидете пред лицем Твоим. |
88:16 | Блажени людие ведущии воскликновение: Господи, во свете лица Твоего пойдут, |
88:17 | и о имени Твоем возрадуются весь день, и правдою Твоею вознесутся. |
88:18 См.: 🔗Лк. 1:69 | Яко похвала силы их Ты еси, и во благоволении Твоем вознесется рог наш: |
88:19 См.: 🔗Пс. 3:4 🔗Пс. 83:10 | яко Господне есть заступление, и Святаго Израилева царя нашего. |
88:20 | Тогда глаголал еси в видении сыновом Твоим, и рекл еси: положих помощь на сильнаго, вознесох избраннаго от людий Моих: |
88:21 См.: 🔗1Цар. 16:13 🔗Деян. 13:22 | обретох Давида раба Моего, елеем святым Моим помазах его. |
88:22 См.: 🔗Ис. 41:10 | Ибо рука Моя заступит его, и мышца Моя укрепит его. |
88:23 См.: 🔗2Цар. 7:10 | Ничтоже успеет враг на него, и сын беззакония не приложит озлобити его. |
88:24 | И ссеку от лица его враги его, и ненавидящыя его побежду: |
88:25 | и истина Моя и милость Моя с ним, и о имени Моем вознесется рог его: |
88:26 См.: 🔗Пс. 71:8 🔗Отк. 10:2 | и положу на мори руку его, и на реках десницу его. |
88:27 См.: 🔗2Цар. 7:14 🔗Евр. 1:5 | Той призовет Мя: отец мой еси Ты, Бог мой и заступник спасения моего. |
88:28 См.: 🔗Кол. 1:18 🔗Отк. 19:16 | И Аз первенца положу его, высока паче царей земных: |
88:29 | в век сохраню ему милость Мою, и завет Мой верен ему: |
88:30 | и положу в век века семя его, и престол его яко дние неба. |
88:31 | Аще оставят сынове его закон Мой, и в судбах Моих не пойдут: |
88:32 | аще оправдания Моя осквернят, и заповедий Моих не сохранят: |
88:33 См.: 🔗2Цар. 7:14 | посещу жезлом беззакония их, и ранами неправды их, |
88:34 | милость же Мою не разорю от них, ни преврежду во истине Моей: |
88:35 См.: 🔗2Цар. 7:16 | ниже оскверню завета Моего, и исходящих от уст Моих не отвергуся. |
88:36 | Единою кляхся о святем Моем: аще Давиду солжу? |
88:37 | Семя его во век пребудет, и престол его яко солнце предо Мною, |
88:38 См.: 🔗Отк. 1:5 | и яко луна совершена в век, и свидетель на небеси верен. |
88:39 | Ты же отринул еси и уничижил, негодовал еси помазаннаго Твоего: |
88:40 См.: 🔗Пс. 43:10 | разорил еси завет раба Твоего, осквернил еси на земли святыню его: |
88:41 См.: 🔗Плч. 2:6 | разорил еси вся оплоты его, положил еси твердая его страх. |
88:42 См.: 🔗Пс. 30:12 🔗Пс. 43:14 | Расхищаху его вси мимоходящии путем, бысть поношение соседом своим. |
88:43 | Возвысил еси десницу стужающих ему, возвеселил еси вся враги его: |
88:44 | отвратил еси помощь меча его и не заступил еси его во брани: |
88:45 | разорил еси от очищения его, престол его на землю повергл еси: |
88:46 | умалил еси дни времене его, облиял еси его студом. |
88:47 См.: 🔗Пс. 12:2 | Доколе, Господи, отвращаешися в конец, разжжется яко огнь гнев Твой? |
88:48 | Помяни, кий мой состав: еда бо всуе создал еси вся сыны человеческия? |
88:49 См.: 🔗Пс. 48:10 🔗Сир. 14:18 | Кто есть человек, иже поживет и не узрит смерти, избавит душу свою из руки адовы? |
88:50 См.: 🔗2Цар. 7:15 | Где суть милости Твоя древния, Господи, имиже клялся еси Давиду во истине Твоей? |
88:51 | Помяни, Господи, поношение раб Твоих, еже удержах в недре моем многих язык: |
88:52 | имже поносиша врази Твои, Господи, имже поносиша изменению христа Твоего. |
88:53 | Благословен Господь во век: буди, буди. |