Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 14 | |
14:1 См.: 🔗Прит. 12:4 🔗Прит. 24:3 | Мудрыя жены создаша домы: безумная же раскопа рукама своима. |
14:2 См.: 🔗Иов. 12:24 | Ходяй право боится Господа: развращаяй же пути своя обезчестится. |
14:3 См.: 🔗Иак. 3:5 🔗Прит. 12:6 | Из уст безумных жезл досаждения: устне же мудрых хранят я. |
14:4 | Идеже несть волов, ясли чисты: а идеже жита многа, явна волу крепость. |
14:5 См.: 🔗Исх. 23:1 🔗Прит. 12:17 | Свидетель верен не лжет: разжизает же ложная свидетель неправеден. |
14:6 См.: 🔗Сир. 1:30 | Взыщеши премудрости у злых, и не обрящеши: чувство же у мудрых удобно. |
14:7 | Вся противна (суть) мужеви безумну: оружие же чувствия устне премудры. |
14:8 См.: 🔗Пс. 138:24 | Премудрость коварных уразумеет пути их: буйство же безумных в заблуждении. |
14:9 | Домове беззаконных требуют очищения, домове же праведных приятни. |
14:10 | Сердце мужа чувственно печаль души его: егда же веселится, не примешается досаждению. |
14:11 См.: 🔗Прит. 12:7 | Домове нечестивых изчезнут, селения же право творящих пребудут. |
14:12 См.: 🔗Прит. 16:25 | Есть путь, иже мнится человеком прав быти, последняя же его приходят во дно ада. |
14:13 | Ко веселием не примешавается печаль: последняя же радости в плачь приходят. |
14:14 См.: 🔗Ис. 3:10 | Путий своих насытится дерзосердый, от размышлений же своих муж благ. |
14:15 См.: 🔗Рим. 16:18 🔗1Ин. 4:1 | Незлобивый веру емлет всякому словеси, коварный же приходит в раскаяние. |
14:16 См.: 🔗Пс. 110:10 | Премудр убоявся уклонится от зла, безумный же на себе надеявся смешавается со беззаконным. |
14:17 См.: 🔗Прит. 12:16 | Острояростный без совета творит, муж же мудрый многая терпит. |
14:18 См.: 🔗Еф. 5:15 | Разделяют безумнии злобу, коварнии же удержат чувство. |
14:19 См.: 🔗Ис. 60:14 | Поползнутся злии пред благими, и нечестивии послужат пред дверьми праведных. |
14:20 См.: 🔗Прит. 19:7 | Друзие возненавидят другов убогих: друзие же богатых мнози. |
14:21 | Безчестяй убогия согрешает, милуяй же нищыя блажен. |
14:22 | Заблуждающии (неправедницы) делают злая, милость же и истину делают благии. Не ведят милости и веры делателие злых: милостыни же и веры у делателей благих. |
14:23 См.: 🔗Прит. 12:11 | Во всяцем пекущемся есть изюбилие: любосластный же и безпечальный в скудости будет. |
14:24 См.: 🔗Прит. 10:16 🔗Прит. 27:22 | Венец премудрых богатство их, житие же безумных зло. |
14:25 См.: 🔗Прит. 12:17 | Избавит от злых душу свидетель верен, разжизает же лживая лестный. |
14:26 См.: 🔗Прит. 18:11 | Во страсе Господни упование крепости, чадом же Своим оставит утверждение (мира). |
14:27 См.: 🔗Прит. 10:17 🔗2Цар. 22:6 | Страх Господень источник жизни, творит же укланятися от сети смертныя. |
14:28 | Во мнозе языце слава царю: во оскудении же людсте сокрушение сильному. |
14:29 См.: 🔗Прит. 19:11 | Долготерпелив муж мног в разуме, малодушный же крепко безумен. |
14:30 | Кроткий муж сердцу врачь: моль же костем сердце чувственно. |
14:31 См.: 🔗Прит. 17:5 🔗Мф. 25:36 | Оклеветаяй убогаго раздражает Сотворшаго и, почитаяй же Его милует нищаго. |
14:32 | Во злобе своей отринется нечестивый: надеяйжеся на Господа своим преподобием праведен. |
14:33 | В сердцы блазе мужа почиет премудрость, в сердцы же безумных не познавается. |
14:34 См.: 🔗Прит. 11:11 🔗Прем. 5:24 | Правда возвышает язык: умаляют же племена греси. |
14:35 См.: 🔗Лк. 7:2 🔗Рим. 13:3 | Приятен цареви слуга разумный, своим же благообращением отемлет безчестие. |