Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 25 | |
25:1 См.: 🔗Исх. 15:2 🔗Ис. 28:29 | Господи Боже мой, прославлю Тя, воспою имя Твое, яко сотворил еси чудная дела, совет древний истинный: да будет, Господи. |
25:2 См.: 🔗4Цар. 19:25 🔗Ис. 26:5 | Яко положил еси грады в персть, грады твердыя, еже пасти основанием их, нечестивых град да не созиждется во век. |
25:3 См.: 🔗Иов. 12:14 | Сего ради благословят Тя людие нищии, и гради человеков обидимых возблагословят Тя. |
25:4 См.: 🔗Ис. 4:6 🔗Иер. 16:19 | Был бо еси всякому граду смиренному помощник, и изнемогающым за оскудение покров, от человек злых избавиши их: покров жаждущих, и дух человеков обидимых. |
25:5 См.: 🔗Ис. 18:4 | Аки человецы малодушнии жаждущии в Сионе, яко избавиши их от человек нечестивых, имже нас предал еси. |
25:6 См.: 🔗Мф. 22:2 🔗Лк. 14:16 | И сотворит Господь Саваоф всем языком: на горе сей испиют радость, испиют вино, |
25:7 | помажутся миром на горе сей: предаждь сия вся языком: той бо совет на вся языки. |
25:8 | Пожре смерть возмогши, и паки отят Господь Бог всякую слезу от всякаго лица: поношение людий отят от всея земли, уста бо Господня глаголаша (сия). |
25:9 | И рекут в день оный: се, Бог наш, Наньже уповахом, и спасет нас: Сей Господь, потерпехом Его, и возрадовахомся и возвеселихомся о спасении нашем. |
25:10 См.: 🔗Ис. 41:15 🔗Зах. 10:5 | Покой даст Бог на горе сей, и поперется Моавитида, якоже топчут ток колесницами. |
25:11 | И воздвигнет руце свои, якоже и той смири, еже погубити: и смирит гордыню его, на няже руце возложи. |
25:12 | И высоту убежища ограды твоея смирит, и обнизится даже до земли. |