Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 33 | |
33:1 См.: 🔗1Цар. 21:13 | Псалом Давиду, внегда измени лице свое пред Авимелехом: и отпусти его, и отиде. |
33:2 | Благословлю Господа на всякое время, выну хвала Его во устех моих. |
33:3 См.: 🔗Лк. 1:47 | О Господе похвалится душа моя: да услышат кротцыи и возвеселятся. |
33:4 | Возвеличите Господа со мною, и вознесем имя Его вкупе. |
33:5 См.: 🔗Ис. 65:24 | Взысках Господа, и услыша мя и от всех скорбей моих избави мя. |
33:6 См.: 🔗Мих. 7:7 | Приступите к Нему и просветитеся, и лица ваша не постыдятся. |
33:7 См.: 🔗Пс. 17:7 🔗Пс. 68:34 | Сей нищий воззва, и Господь услыша и, и от всех скорбей его спасе и. |
33:8 См.: 🔗Быт. 32:1 | Ополчится Ангел Господень окрест боящихся Его и избавит их. |
33:9 См.: 🔗Пс. 2:12 🔗Прит. 16:20 | Вкусите и видите, яко благ Господь: блажен муж, иже уповает Нань. |
33:10 См.: 🔗Нав. 4:24 | Бойтеся Господа, вси святии Его, яко несть лишения боящымся Его. |
33:11 См.: 🔗Лк. 1:53 | Богатии обнищаша и взалкаша: взыскающии же Господа не лишатся всякаго блага. |
33:12 | Приидите, чада, послушайте мене, страху Господню научу вас. |
33:13 См.: 🔗1Пет. 3:10 | Кто есть человек хотяй живот, любяй дни видети благи? |
33:14 | Удержи язык твой от зла и устне твои, еже не глаголати льсти. |
33:15 См.: 🔗Иов. 28:28 🔗Пс. 36:37 | Уклонися от зла и сотвори благо: взыщи мира и пожени и. |
33:16 См.: 🔗Пс. 32:18 🔗Сир. 15:19 | Очи Господни на праведныя, и уши Его в молитву их. |
33:17 | Лице же Господне на творящыя злая, еже потребити от земли память их. |
33:18 | Воззваша праведнии, и Господь услыша их и от всех скорбей их избави их. |
33:19 См.: 🔗Пс. 144:18 | Близ Господь сокрушенных сердцем, и смиренныя духом спасет. |
33:20 См.: 🔗Деян. 7:10 🔗Рим. 8:17 | Многи скорби праведным, и от всех их избавит я Господь. |
33:21 См.: 🔗Ис. 66:14 | Хранит Господь вся кости их, ни едина от них сокрушится. |
33:22 См.: 🔗Прит. 22:8 | Смерть грешников люта, и ненавидящии праведнаго прегрешат. |
33:23 См.: 🔗Рим. 8:1 | Избавит Господь душы раб Своих, и не прегрешат вси уповающии на Него. |