Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 27 | |
27:1 См.: 🔗Иак. 4:13 | Не хвалися о утрии, не веси бо, что родит (день) находяй. |
27:2 См.: 🔗2Кор. 10:12 | Да хвалит тя искренний, а не твоя уста, чуждий, а не твои устне. |
27:3 См.: 🔗Сир. 22:15 | Тяжко камень и неудобоносно песок, гнев же безумнаго тяжший обоего. |
27:4 См.: 🔗Иак. 1:20 | Безмилостивна ярость и остр гнев, но ничтоже постоит ревности. |
27:5 См.: 🔗Прит. 28:23 | Лучше обличения откровенна тайныя любве. |
27:6 См.: 🔗Пс. 140:5 | Достовернее суть язвы друга, нежели вольная лобзания врага. |
27:7 | Душа в сытости сущи сотам ругается: души же нищетней и горькая сладка являются. |
27:8 | Якоже егда птица отлетит от гнезда своего, тако человек порабощается, егда устранится от своих мест. |
27:9 | Миры и вином и фимиамы красуется сердце, растерзаваетжеся от бед душа. |
27:10 См.: 🔗Прит. 18:20 | Друга твоего или друга отча не оставляй: в дом же брата своего не вниди неблагополучно: лучше друг близ, неже брат далече живый. |
27:11 См.: 🔗Прит. 23:15 | Мудр буди, сыне, да веселится сердце твое, и отврати от себе понослива словеса. |
27:12 См.: 🔗Прит. 22:3 | Хитрый злым находящым укрывается: безумнии же нашедше тщету постраждут. |
27:13 См.: 🔗Прит. 20:16 | Отими ризу его, прейде бо досадитель, иже чуждая погубляет. |
27:14 | Иже аще благословит друга утро велиим гласом, от кленущаго ни чимже разнствовати возмнится. |
27:15 См.: 🔗Сир. 25:24 | Капли изгоняют человека в день зимен из дому его, тако и жена клеветливая из своего дому. |
27:16 | Север жесток ветр, именем же приятен нарицается. |
27:17 См.: 🔗Евр. 10:24 | Железо железа острит: муж же поощряет лице дружне. |
27:18 | Иже насаждает смоковницу, снесть плоды ея: а иже хранит господа своего, честен будет. |
27:19 | Якоже суть неподобна лица лицам, сице ниже сердца человеков. |
27:20 См.: 🔗Сир. 14:9 | Ад и Погибель не насыщаются: такожде и очи человечестии несыти. Мерзость Господеви утверждаяй очи, и ненаказаннии невоздержни языком. |
27:21 См.: 🔗Прит. 17:3 | Искушение сребру и злату раздежение: муж же искушается усты хвалящих его. Сердце беззаконника взыскует злая, сердце же право взыскует разума. |
27:22 См.: 🔗Мк. 3:4 | Аще биеши безумнаго посреде сонмища срамляя его, не отимеши безумия его. |
27:23 | Разумне разумевай души стада твоего, и да приставиши сердце твое ко твоим стадам. |
27:24 См.: 🔗1Тим. 6:7 | Яко не во век мужеви держава и крепость, ниже предает от рода в род. |
27:25 | Прилежи о злацех сущих на поли и пожнеши траву, и собирай сено нагорное, |
27:26 | да имаши овцы на одеяние: почитай поле, да будут ти агнцы. |
27:27 | Сыне, от мене имаши речения крепка в жизнь твою и в жизнь твоих служителей. |