Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 32 | |
32:1 См.: 🔗Пс. 33:8 | И Иаков иде в путь свой. И воззрев виде полк Божий воополчившийся: и сретоша его Ангели Божии. |
32:2 См.: 🔗2Цар. 2:8 | Рече же Иаков, егда виде их: полк Божий сей. И прозва имя месту тому Полки. |
32:3 | Посла же Иаков послы пред собою ко Исаву брату своему в землю Сиир, в страну Едом, |
32:4 См.: 🔗Быт. 31:38 | и заповеда им глаголя: тако рцыте господину моему Исаву: тако глаголет раб твой Иаков: у Лавана обитах и умедлих даже до ныне: |
32:5 | и быша ми волове и ослы и овцы, и раби и рабыни: и послах поведати господину моему Исаву, дабы обрел раб твой благодать пред тобою. |
32:6 | И возвратишася послы ко Иакову, глаголюще: ходихом ко брату твоему Исаву, и се, сам идет во сретение тебе, и четыриста мужей с ним. |
32:7 | Убояся же Иаков зело и в недоумении бе: и раздели люди сущыя с собою, и волы и велблюды и овцы на два полка, |
32:8 | и рече Иаков: аще приидет Исав на един полк и изсечет и, будет вторый полк во спасении. |
32:9 См.: 🔗Быт. 28:13 🔗Быт. 31:3 | Рече же Иаков: Бог отца моего Авраама и Бог отца моего Исаака, Господи Боже, Ты рекий ми: иди в землю рождения твоего, и благо тебе сотворю: |
32:10 См.: 🔗2Цар. 7:18 | довлеет ми от всея правды и от всея истины, юже сотворил еси рабу Твоему: с жезлом бо сим преидох Иордан сей, ныне же бех в два полка: |
32:11 | изми мя от руки брата моего, от руки Исава: яко боюся аз его, да не когда пришед убиет мя и матерь с чады: |
32:12 См.: 🔗Быт. 28:14 🔗Пс. 138:18 | ты же рекл еси: благо тебе сотворю и положу семя твое яко песок морский, иже не изочтется от множества. |
32:13 | И спа тамо нощи тоя, и взя, яже имяше дары, и посла Исаву брату своему: |
32:14 | коз двести, козлов двадесять, овец двести, овнов двадесять, |
32:15 | велблюдов дойных, и жребят их тридесять, волов четыредесять, юнцов десять, ослов двадесять и жребят десять: |
32:16 | и даде их рабом своим, (коеждо) стадо особо, и рече рабом своим: идите предо мною, и разстояние творите между стадом и стадом. |
32:17 См.: 🔗Быт. 33:8 | И заповеда первому глаголя: аще тя срящет Исав брат мой и вопросит тя глаголя: чий еси, и камо идеши, и чия сия, яже пред тобою идут? |
32:18 | Речеши: раба твоего Иакова: дары посла господину моему Исаву: и се, сам за нами (идет). |
32:19 | И заповеда первому, и второму, и третиему, и всем предидущым вслед стад сих глаголя: по словеси сему глаголите Исаву, егда обрящете его вы, |
32:20 См.: 🔗Прит. 18:17 🔗Прит. 21:14 | и рцыте: се, раб твой Иаков идет за нами: рече бо: укрощу лице его дарами предидущими его, и посем узрю лице его: негли бо приимет лице мое? |
32:21 | И предидяху дары пред лицем его, сам же преспа тоя нощи в полце. |
32:22 См.: 🔗Чис. 21:24 🔗Втор. 2:37 | Востав же тоя нощи, поя обе жены (своя) и обе рабыни и единонадесять сынов своих, и прейде брод Иавок: |
32:23 | и взя их, и прейде поток, и преведе вся своя. |
32:24 См.: 🔗Ос. 12:3 | Остася же Иаков един. И боряшеся с ним Человек даже до утра. |
32:25 | Виде же, яко не может противу ему: и прикоснуся широте стегна его: и отерпе широта стегна Иаковля, егда боряшеся с Ним. |
32:26 | И рече ему: пусти Мя: взыде бо заря. Он же рече: не пущу Тебе, аще не благословиши мене. |
32:27 | Рече же ему: что ти имя есть? Он же рече: Иаков. |
32:28 См.: 🔗Быт. 35:10 | И рече ему: не прозовется ктому имя твое Иаков, но Исраиль будет имя твое: понеже укрепился еси с Богом и с человеки силен будеши. |
32:29 См.: 🔗Суд. 13:18 | Вопроси же Иаков и рече: повеждь ми имя Твое. И рече: вскую сие вопрошаеши ты имене Моего? Еже чудно есть. И благослови его тамо. |
32:30 См.: 🔗Суд. 8:8 🔗3Цар. 12:25 | И прозва Иаков имя месту тому Вид Божий: видех бо Бога лицем к лицу, и спасеся душа моя. |
32:31 | Возсия же ему солнце, егда прейде Вид Божий: он же хромаше стегном своим. |
32:32 | Сего ради не ядят сынове Израилевы жилы, яже отерпе, яже есть в широте стегна, даже до дне сего: понеже прикоснуся широте стегна Иаковли жилы, яже отерпе. |