Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 15 | |
15:1 | В седмое лето да сотвориши отпущение. |
15:2 | И сице заповедь отпущения: да оставивши весь долг твой, имже должен ближний тебе, и от брата своего не истяжеши, яко наречеся отпущение Господу Богу твоему. |
15:3 | От чуждаго да истяжеши, елика суть твоя у него: брату же твоему отпущение да сотвориши долга твоего. |
15:4 См.: 🔗Сир. 4:1 | Яко не будет у тебе недостаточен: сего ради словесе благословением благословит тя Господь Бог твои в земли, юже тебе Господь Бог дает во жребий прияти ю. |
15:5 См.: 🔗Втор. 28:1 | Аще же слухом послушаете гласа Господа Бога вашего хранити и творити вся заповеди сия, яже аз заповедаю тебе днесь, яко Господь Бог твой благословил тя есть, якоже глагола тебе, |
15:6 См.: 🔗Втор. 28:11 | и взаим даси языком многим, ты же не займеши, и обладати будеши ты языки многими, тобою же не возобладают. |
15:7 | Аще же брат от братии твоея будет тебе недостаточен во единем от градов твоих в земли, юже Господь Бог твои дает тебе, да не отвратиши сердца твоего, ниже сожмеши руки твоея пред братом твоим требующим: |
15:8 См.: 🔗Мф. 5:42 | отверзая да отверзеши руку твою ему, и взаим да даси ему, елико просит, и елико ему не достанет. |
15:9 См.: 🔗2Кор. 6:15 | Внемли себе: да не будет слово тайно в сердцы твоем беззакония, глаголя: близ есть седмое лето, лето отпущения, и возлукавнует око твое брату твоему требующему, и не даси ему, и возопиет на тя ко Господу, и будет тебе грех велик: |
15:10 | даянием да даси ему, и взаим да даси ему, елико воспросит, якоже требует: и не опечалися в сердцы своем, дающу ти ему, яко сего ради слова благословит тя Господь Бог твой во всех делех твоих, и во всем, на неже возложиши руку твою: |
15:11 См.: 🔗Мф. 26:11 | ибо не оскудеет недостаточный от земли твоея, сего ради аз заповедаю тебе творити слово сие, глаголя: отверзая отверзи руце твои брату твоему нищему и просящему на земли твоей. |
15:12 См.: 🔗Исх. 21:2 🔗Иер. 34:14 | Аще же продастся тебе брат твой Евреанин, или Евреаныня, да поработает тебе шесть лет, и в седмое да отпустиши его свободна от себе: |
15:13 См.: 🔗Быт. 21:14 🔗2Пар. 28:15 | егда же пустиши его свободна от себе, да не отпустиши его тща: |
15:14 | напутное ему да уготовиши от овец твоих и от пшеницы твоея и от вина твоего: якоже благослови тя Господь Бог твой, да даси ему, |
15:15 | и помяни, яко раб и ты был еси в земли Египетстей, и свободи тя Господь Бог твой оттуду: сего ради аз заповедаю тебе творити слово сие. |
15:16 См.: 🔗Исх. 21:5 | Аще же речет к тебе: не отиду от тебе, яко возлюбих тя и дом твой, яко добро есть есть у тебе: |
15:17 | да возмеши шило, и провертиши ему ухо пред дверми у степени, и будет ти раб во веки: и рабе твоей сотвориши такожде. |
15:18 | Да не будет жестоко пред тобою, отпущаемым им от тебе свободным, понеже годовую мзду наемничу работа тебе шесть лет: и благословит тя Господь Бог твой во всем, еже твориши. |
15:19 | Всяко первородное, еже родится от волов твоих и от овец твоих, мужеск пол да освятиши Господеви Богу твоему: да не делаеши первородным телцем твоим и да не стрижеши первенца во овцах твоих. |
15:20 См.: 🔗Втор. 12:11 | Пред Господем Богом твоим да яси я от лета до лета, на месте, идеже изберет Господь Бог твои, ты и дом твой. |
15:21 См.: 🔗Лев. 22:20 🔗Сир. 35:11 | Аще же будет на нем порок, хромота, или слепота, и всякий порок зол, да не пожреши его Господу Богу твоему. |
15:22 См.: 🔗Втор. 12:15 | Во градех твоих да снеси я: нечистый и чистый у тебе такожде да яст, яко серну или еленя. |
15:23 | Токмо крове да не снесте: на землю проливай ю аки воду. |