Псалтирь, псалом 114

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 114
114:1	Возлюбих, яко услышит Господь глас моления моего,
114:2 См.: 🔗Пс. 30:3	яко приклони ухо Свое мне: и во дни моя призову.
114:3 См.: 🔗2Цар. 22:5	Объяша мя болезни смертныя, беды адовы обретоша мя: скорбь и болезнь обретох и имя Господне призвах:
114:4	о, Господи, избави душу мою: милостив Господь и праведен и Бог наш милует.
114:5 См.: 🔗Пс. 85:5	Храняй младенцы Господь: смирихся, и спасе мя.
114:6 См.: 🔗Мф. 10:16	Обратися, душе моя, в покой твой, яко Господь благодействова тя:
114:7	яко изят душу мою от смерти, очи мои от слез и нозе мои от поползновения.
114:8 См.: 🔗Пс. 55:14	Благоугожду пред Господем во стране живых.