Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 16 | |
16:1 См.: 🔗3Цар. 15:17 | И в лето тридесять осмое царства Асина, взыде Вааса царь Израилев на Иуду и стенами укрепи Раму, да не даст входа и исхода Асе царю Иудину. |
16:2 См.: 🔗3Цар. 15:18 🔗4Цар. 12:18 | И взя Аса сребро и злато от сокровищ дому Господня и дому царева, и посла ко (Венададу) сыну Адера царя Сирска, живущему в Дамасце, глаголя: |
16:3 | положи завет между мною и тобою и между отцем моим и отцем твоим: се послах тебе сребро и злато: прииди и отжени от мене Ваасу царя Израилева, и да отидет от мене. |
16:4 См.: 🔗3Цар. 15:20 | И послуша сын Адеров царя Асы и посла началники воев своих на грады Израилевы, и порази Аинона и Дана, и Авелмаина и вся окрестная Неффалимля. |
16:5 См.: 🔗3Цар. 15:21 | И бысть егда услыша Вааса царь Израилев, остави ктому созидати Раму и остави дело свое. |
16:6 См.: 🔗Нав. 18:24 | Аса же царь взя всего Иуду и взя камение от Рамы и лес ея, яже на создание уготова Вааса, и созда из них Гаваю и Масфу. |
16:7 См.: 🔗2Пар. 19:2 | И во время оно прииде Ананий пророк ко Асе царю Иудину и рече ему: понеже имел еси упование на царя Сирска, а не уповал еси на Господа Бога твоего, того ради спасеся сила царя Сирскаго от руку твоею: |
16:8 См.: 🔗2Пар. 14:9 🔗Ис. 20:5 | не Ефиопи ли и Ливиане бяху на тя в силе мнозе, в дерзости колесниц и конник во множество зело? И егда уповал еси на Господа, предаде их в руку твою: |
16:9 См.: 🔗2Мак. 9:5 | очи бо Господни назирают всю землю, еже укрепити сущих сердцем совершенным к Нему: буе сотворил еси сие, (сего ради) отныне будет на тя брань. |
16:10 | Разгневася же Аса на пророка и всади его в темницу, понеже прогневася о сем: и уби Аса от людий во время то (многих). |
16:11 | И се, словеса Асы, первая и последняя, писана суть в книзе царей Иудиных и Израиля. |
16:12 | И разболеся Аса в лето тридесять девятое царства своего ногама, болезнию зелнейшею: и ниже в немощи своей взыска Господа, но врачев. |
16:13 См.: 🔗3Цар. 15:24 | Успе же Аса со отцы своими, и умре в лето четыредесять первое царства своего: |
16:14 | и погребоша его во гробе, егоже ископа себе во граде Давидове, и положиша его на одре, и наполниша ароматами и родами миров благоуханных, и сотвориша ему погребение велико зело. |