Книга Притчей Соломоновых, глава 20

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 20
20:1 См.: 🔗Ис. 28:7 🔗Еф. 5:18	Невинно вино, укоризненно же пиянство, и всяк пребываяй в нем не будет премудр.
20:2 См.: 🔗Прит. 19:12	Не разнствует прещение царево от ярости львовы: раздражаяй же его и примешаяйся ему согрешает в свою душу.
20:3	Слава мужу отвращатися от досаждения: всяк же безумен сими соплетается.
20:4	Поносимь ленивый не усрамляется, такожде и заемляй пшеницу в жатву.
20:5 См.: 🔗Прит. 18:4	Вода глубока совет в сердцы мужа: муж же премудр изчерплет ю.
20:6 См.: 🔗Мф. 6:2 🔗Лк. 18:8	Велика вещь человек, и драгая муж творяй милость: мужа же верна (велико) дело обрести.
20:7 См.: 🔗Втор. 7:13	Иже без порока живет в правде, блажены оставит дети своя.
20:8	Егда царь праведен на престоле сядет, не противится пред очима его ничтоже лукаво.
20:9 См.: 🔗3Цар. 8:46 🔗2Пар. 6:36 🔗Иов. 14:4 🔗Пс. 50:7 🔗Сир. 7:5 🔗1Ин. 1:8	Кто похвалится чисто имети сердце? Или кто дерзнет рещи чиста себе быти от грехов?
20:10 См.: 🔗Прит. 11:1	Вес велик и мал, и мера сугуба, нечиста пред Господем обоя:
20:11	и творяй я в начинаниих своих запнется: юнота с преподобным, и правый путь его.
20:12 См.: 🔗Исх. 4:11 🔗Пс. 93:9	Ухо слышит, и око видит: Господня дела обоя.
20:13	Не люби клеветати, да не вознесешися: отверзи очи твои и насыщайся хлеба.
20:14	Зло, зло, речет стяжаваяй, и отшед тогда похвалится.
20:15	Есть злато и множество камений драгих, сосуд честен устне разумны.
20:16 См.: 🔗Прит. 27:13	Возми ризу его, яко испоручник бысть чуждыя, и за чуждую возми залог от него.
20:17	Сладок есть человеку хлеб лжи, но потом исполнятся уста его камения.
20:18	Помышление в совете уготовится, в правлении же творит брань.
20:19 См.: 🔗Прит. 11:13	Открываяй тайну ходит лестию: и прельщающему устнами своими не примешайся.
20:20 См.: 🔗Исх. 21:17 🔗Лев. 20:9 🔗Мф. 15:4 🔗Мк. 7:10	Злословящему отца или матерь угаснет светилник, зеницы же очес его узрят тму.
20:21	Часть поспешна в начале, в последних не благословится.
20:22 См.: 🔗Прит. 17:13	Не рцы: отмщу врагу: но потерпи Господа, да ти поможет.
20:23	Мерзость Господеви сугубый вес, и мерило лживо не добро пред ним.
20:24 См.: 🔗Пс. 36:23	От Господа исправляются стопы мужу: смертный же како уразумеет пути своя?
20:25 См.: 🔗Деян. 5:4	Сеть мужеви скоро нечто от своих освящати: по обете бо раскаяние бывает.
20:26 См.: 🔗Прит. 20:8	Веятель нечестивых есть царь мудр и наложит на ня коло.
20:27	Свет Господень дыхание человеком, иже испытает тайная утробы.
20:28 См.: 🔗Прит. 16:12	Милостыня и истина сохранение царю, и обыдут престол его в правде.
20:29 См.: 🔗Прит. 16:31	Лепота (есть) юным премудрость: слава же старым седины.
20:30	Раны и сокрушения сретают злых, язвы же в сокровищих чрева.