Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 22 | |
22:1 См.: 🔗Иов. 4:1 🔗Иов. 15:1 | Отвещав же Елифаз Феманитин, рече: |
22:2 | не Господь ли есть научаяй разуму и хитрости? |
22:3 См.: 🔗Иов. 35:7 | Ибо кое попечение Господу, аще ты был еси делы непорочен? Или (кая) польза, яко прост творити будеши путь твой? |
22:4 | Или опасение имея от тебе обличит тя и внидет с тобою в суд? |
22:5 | Еда злоба твоя есть не многа? Безчисленнии же твои суть греси? |
22:6 См.: 🔗Иез. 18:7 🔗Ис. 58:7 | В залог бо имал еси от братии твоея вотще, одежду же нагих отнимал еси, |
22:7 См.: 🔗Мф. 25:42 | ниже водою жаждущих напоил еси, но алчущих лишил еси хлеба: |
22:8 | удивлялся же еси неких лицу и повергал еси убогих на земли: |
22:9 | вдовицы же отпустил еси тщы и сироты озлобил еси. |
22:10 См.: 🔗2Цар. 22:6 | Сего ради обыдоша тя сети, и поспеши на тя рать велика: |
22:11 См.: 🔗2Цар. 22:17 | свет тебе тма бысть, уснувшаго же вода тя покры. |
22:12 | Еда на высоких живый не призирает? Укоризною же возносящихся смири. |
22:13 | И рекл еси: что разуме Крепкий? Или во мраце разсудит? |
22:14 | Облак покров Его, и неувидимь будет, и круг небесе обходит. |
22:15 См.: 🔗1Пет. 4:2 | Еда стезю древнюю сохраниши, в нюже ходиша мужие неправедни, |
22:16 См.: 🔗Иов. 15:32 | иже яти быша прежде времене? Река текущая основания их, |
22:17 | глаголющии: что сотворит нам Господь? Или что нанесет на ны Вседержитель? |
22:18 См.: 🔗Иов. 21:16 | Иже исполнил есть домы их благими: совет же нечестивых далече от Него. |
22:19 См.: 🔗Пс. 106:42 | Видевше праведницы возсмеяшася, непорочен же глумляшеся им: |
22:20 См.: 🔗Иез. 28:18 | не погибе ли имение их, и останки их пояст огнь? |
22:21 | Буди убо тверд, аще претерпиши, потом плод твой будет во благих. |
22:22 | Приими же из уст Его изречение и восприими словеса Его в сердце твое. |
22:23 См.: 🔗Иов. 8:5 | Аще же обратишися и смириши себе пред Господем, и далече сотвориши от жилища твоего неправду, |
22:24 | и положен будеши на персти в камени, и якоже камень потока Офирска. |
22:25 | Будет убо тебе Вседержитель помощник от враг, чиста же сотворит тя якоже сребро разжжено, |
22:26 | потом дерзновение возимееши пред Богом, воззрев весело на небо. |
22:27 | Помольшуся же тебе к Нему, услышит тя, даст же ти обеты твоя воздати, |
22:28 | устроит же ти жилище правды, на путех же твоих будет свет: |
22:29 См.: 🔗Прит. 29:23 🔗Лк. 18:14 | яко смирил еси себе, тогда речеши: вознесеся, и поникша очима спасет, |
22:30 См.: 🔗Пс. 17:21 | избавит неповиннаго, и спасешися чистыма рукама твоима. |