Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 34 | |
34:1 См.: 🔗Втор. 10:1 | И рече Господь к Моисею: истеши себе две скрижали каменны, якоже и первыя, и взыди ко Мне на гору: и напишу на скрижалех словеса, яже бяху на скрижалех первых, яже сокрушил еси: |
34:2 См.: 🔗Исх. 33:21 | и буди готов заутра, и взыдеши на гору Синайскую и предстанеши Мне тамо на версе горы: |
34:3 См.: 🔗Исх. 19:12 | и да никтоже взыдет с тобою, ниже да явится на всей горе: и овцы и говяда да не пасутся близ горы тоя. |
34:4 См.: 🔗Втор. 10:3 | И истеса две скрижали каменны, якоже и первыя: и утренневав Моисей заутра, взыде на гору Синайскую, якоже завеща ему Господь: и взя Моисей с собою две скрижали каменныя. |
34:5 См.: 🔗Исх. 33:19 | И сниде Господь во облаце, и предста ему тамо Моисей, и призва именем Господним. |
34:6 | И мимоиде Господь пред лицем его и воззва: Господь, Господь Бог щедр и милостив, долготерпелив и многомилостив и истинен, |
34:7 | и правду храняй, и творяй милость в тысящы, отемляй беззакония и неправды и грехи, и повиннаго не очистит, наводяй грехи отцев на чада, и на чада чад, до третияго и четвертаго рода. |
34:8 См.: 🔗1Цар. 24:9 | И потщався Моисей, приник на землю, поклонися Богу |
34:9 См.: 🔗Втор. 9:13 | и рече: аще обретох благодать пред Тобою, да идет Господь мой с нами: людие бо жестоковыйнии суть: и отимеши ты грехи нашя и беззакония наша, и будем Твои. |
34:10 | И рече Господь к Моисею: се, Аз полагаю тебе завет пред всеми людьми твоими, и сотворю славная, яже не быша по всей земли и во всех языцех: и узрят вси людие, в нихже еси ты, дела Господня, яко чудна суть, яже Аз сотворю тебе: |
34:11 | внемли ты вся, елика Аз заповедаю тебе: се, Аз изжену пред лицем вашим Аморреа и Хананеа, и Хеттеа и Ферезеа, и Евеа и Гергесеа и Иевусеа: |
34:12 См.: 🔗Втор. 7:2 | внемли себе, да не когда завещаеши завет седящым на земли, в нюже внидеши, да не будет соблазн в вас: |
34:13 См.: 🔗Исх. 23:24 | капища их разорите и кумиры их сокрушите, и дубравы их посецыте, и изваяная богов их сожжите огнем, |
34:14 См.: 🔗Исх. 20:5 | не бо поклонитеся богом иным: ибо Господь Бог ревниво имя, Бог ревнив есть: |
34:15 См.: 🔗Исх. 23:32 🔗Втор. 7:2 | да не когда завещаеши завет седящым на земли, и соблудят вслед богов их, и пожрут богом их, и призовут тя, и снеси от жертв их: |
34:16 См.: 🔗3Цар. 11:1 🔗Втор. 7:3 | и поймеши от дщерей их сыном твоим, и от дщерей твоих даси сыном их, и соблудят дщери твоя вслед богов их, и сынове твои соблудят вслед богов их: |
34:17 См.: 🔗Исх. 20:3 | и богов слияных да не сотвориши себе: |
34:18 См.: 🔗Исх. 12:2 | и праздник опресночный да сохраниши: седмь дний да яси опресноки, якоже заповедах тебе, во время в месяце новых плодов: в месяце бо новых плодов изшел еси от земли Египетския: |
34:19 | всяко разверзающее ложесна мужеск Мне пол (да будет), всяко первородное телца и первородное овцы: |
34:20 См.: 🔗Исх. 13:13 | и первородное осляте искупиши овцею: аще же не искупиши е, цену да даси его: всякаго первенца от сынов твоих да искупиши, да не явишися предо Мною тощь: |
34:21 См.: 🔗Исх. 20:9 | в шесть дний да делаеши, в седмый же день да почиеши, от сеятвы и жатвы да почиеши, |
34:22 См.: 🔗Втор. 16:10 | и праздник седмиц да сотвориши ми, начало жатвы пшеницы, и праздник собрания посреде лета: |
34:23 См.: 🔗Исх. 23:17 🔗Втор. 16:16 | в три времена лета да явится всяк мужеск пол твой пред Господем Богом Израилевым: |
34:24 | егда бо изжену языки от лица твоего и разширю пределы твоя, никтоже возжелает земли твоея, егда приидеши явитися пред Господем Богом твоим в три времена лета: |
34:25 См.: 🔗Исх. 12:10 🔗Исх. 23:18 | да не заколеши с квасом крове жертв Моих, и да не прележит до утрия жертва праздника Пасхи: |
34:26 См.: 🔗Исх. 23:19 🔗Втор. 14:21 | первородная жит земли твоея да внесеши в дом Господа Бога твоего: да не свариши агнца во млеце матере его. |
34:27 См.: 🔗Исх. 24:4 | И рече Господь к Моисею: напиши себе словеса сия, в словесех бо сих положих тебе завет и Израилю. |
34:28 См.: 🔗Исх. 24:18 🔗Втор. 9:9 | И бе тамо Моисей пред Господем четыредесять дний и четыредесять нощей: хлеба не яде и воды не пи: и написа (Моисей) на скрижалех словеса сия завета, десять словес. |
34:29 | Сходящу же Моисею с горы Синайския, и обе скрижали в руку Моисеову: сходящу же ему с горы, и Моисей не ведяше, яко прославися зрак плоти лица его, егда глаголаше с ним. |
34:30 См.: 🔗2Кор. 3:7 | И виде Аарон и вси сынове Израилевы Моисеа, и бяше прославлен зрак плоти лица его: и убояшася приступити к нему. |
34:31 | И воззва их Моисей, и обратишася к нему Аарон и вси князи сонма: и глагола Моисей к ним. |
34:32 См.: 🔗Исх. 35:1 | И по сих приидоша к нему вси сынове Израилевы: и заповеда им вся, елика глагола к нему Господь на горе Синайстей. |
34:33 См.: 🔗2Кор. 3:13 | И егда преста глаголя к ним, возложи на лице свое покров. |
34:34 | Егда же вхождаше Моисей пред Господа глаголати к Нему, снимаше покров, дондеже исхождаше: и изшед глаголаше ко всем сыном Израилевым, елика заповеда ему Господь. |
34:35 | И видеша сынове Израилевы лице Моисеово, яко прославися: и возлагаше Моисей покров на лице свое, дондеже внидет глаголати с Ним. |