Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 7 | |
7:1 См.: 🔗Прит. 22:1 | Благо имя паче елеа блага, и день смертный паче дня рождения его. |
7:2 См.: 🔗Иак. 4:9 | Благо ходити в дом плача, нежели ходити в дом пира, понеже сие конец всякому человеку, и живый даст благо в сердцы его. |
7:3 См.: 🔗2Кор. 7:10 | Блага ярость паче смеха, яко во злобе лица ублажится сердце. |
7:4 | Сердце мудрых в дому плача, а сердце безумных в дому веселия. |
7:5 См.: 🔗Прит. 15:31 | Благо еже слышати прещение премудра, паче мужа слышащаго песнь безумных: |
7:6 | якоже глас терния под котлом, тако смех безумных. И сие суета. |
7:7 | Яко клевета льстит мудраго и погубляет сердце благородствия его. |
7:8 | Блага последняя словес паче начала его: благ терпеливый паче высокаго духом. |
7:9 См.: 🔗Прит. 14:17 | Не тщися в дусе своем яритися, яко ярость в недре безумных почиет. |
7:10 | Да не речеши: что бысть, яко дние прежднии беша блази паче сих? Яко не в мудрости вопросил еси о сем. |
7:11 | Блага мудрость с наследием, паче же видящым солнце: |
7:12 См.: 🔗Сир. 41:29 | яко в сени его мудрость, якоже сень сребра, и изюбилие разума премудрости оживляет, иже от нея. |
7:13 См.: 🔗Еккл. 1:15 | Виждь творения Божия: яко кто может украсити, егоже аще Бог превратит? |
7:14 См.: 🔗Иов. 2:10 | В день благостыни (Его) живи во блазе и виждь в день зла: виждь, и с ним согласно сие сотвори Бог, о глаголании, да не обрящет человек за Ним ничтоже. |
7:15 | Всяческая видех во днех суетствия моего: есть праведный погибаяй во своей правде, и есть нечестивый пребываяй во своей злобе. |
7:16 | Не буди правдив вельми, ни мудрися излишше, да не когда изумишися. |
7:17 См.: 🔗Иов. 15:32 | Не нечествуй много и не буди жесток, да не умреши не во время свое. |
7:18 | Благо ти есть держатися сего, и от сего не оскверни руки твоея, яко боящымся Бога поспешатся вся. |
7:19 См.: 🔗Еккл. 9:16 | Премудрость поможет мудрому паче десяти обладающих во граде: |
7:20 | яко несть человек праведен на земли, иже сотворит благое и не согрешит. |
7:21 | И во вся словеса, яже возглаголют нечестивии, не вложи сердца своего, да не услышиши раба своего кленуща тебе: |
7:22 | яко многажды возлукавнует на тя, и обхождении многими озлобит сердце твое, якоже и ты клял еси иныя (многия). |
7:23 | Вся сия искусих в мудрости: рех, умудрюся: и сия удалися от мене |
7:24 См.: 🔗Рим. 11:33 | далече паче неже бех, и бездны глубина, кто обрящет ю? |
7:25 См.: 🔗Еккл. 1:17 🔗Ин. 10:8 | Обыдох аз, и сердце мое, еже разумети, еже разсмотрити, и еже взыскати мудрость и разум, и еже разумети нечестиваго безумие и ожесточение и лесть: |
7:26 См.: 🔗Прит. 5:4 🔗Прит. 22:4 | и обретох аз ю, и реку горчайшу паче смерти жену, яже есть ловитва, и сети сердце ея, узы в руку ея: благий пред лицем Божиим изимется от нея, а согрешаяй ят будет от нея. |
7:27 | Се, сие обретох, рече Екклесиаст: едину единою еже обрести помысл, еже взыска душа моя, и не обретох: |
7:28 См.: 🔗Рим. 5:15 🔗Рим. 7:4 | и человека единаго от тысящ обретох, а жены во всех сих не обретох: |
7:29 См.: 🔗Быт. 1:27 🔗Быт. 3:2 | обаче се, сие обретох, еже сотвори Бог человека праваго, и сии взыскаша помыслов многих. Кто уведе мудрость? И кто весть разрешение глагола? |