Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 9 | |
9:1 | И возопи во ушы мои гласом великим, глаголя: приближися отмщение града: и кийждо имеяше сосуды истребления в руце своей. |
9:2 См.: 🔗Иез. 10:2 | И се, шесть мужей идоша от пути врат высоких зрящих на север, и коемуждо секира (погубления) в руце его: и муж един посреде их облечен в подир, и пояс от сапфира о чреслех его: и внидоша и сташа близ жертвенника медянаго. |
9:3 См.: 🔗Иез. 1:4 🔗Иез. 10:4 | И слава Бога Израилева взыде от Херувимов сущая на них в непокровенное дому: и призва мужа оболчена в подир, иже имеяше на чреслех своих пояс. |
9:4 См.: 🔗Отк. 7:3 | И рече Господь к нему: пройди среде града Иерусалима и даждь знамения на лица мужей стенящих и болезнующих о всех беззакониих бывающих среде их. |
9:5 См.: 🔗Исх. 32:27 | И сим рече, слышащу мне: идите во град вслед его, изсецыте и не пощадите очима вашима и не помилуйте: |
9:6 | старца и юношу и деву, и младенцы и жены избийте в потребление: а ко всем, на нихже есть знамение, не прикасайтеся: от освященных Моих начните. И начаша от мужей старых, иже беша внутрь в дому. |
9:7 | И рече к ним: оскверните дом, и наполните пути мертвецев исходяще, и изсецыте (сущих во граде). |
9:8 См.: 🔗Иез. 11:13 | И бысть внегда сечаху их, остах аз и падох ниц, и возопих и рех: горе, (горе,) о, люте мне, Адонаю Господи! Еда потребляеши Ты останки Израилевы, егда разливаеши ярость Твою на Иерусалим? |
9:9 См.: 🔗Иез. 8:12 | И рече ко мне: неправда дому Израилева и Иудина возвеличися зело зело, яко наполнися земля людий многих, и град наполнися неправд и нечистот, яко реша: оставил есть Господь землю и не видит Господь. |
9:10 См.: 🔗Иез. 5:11 🔗Иез. 11:21 | И Аз есмь, и не пощадит око Мое, ни помилую, пути их на главы их дах. |
9:11 См.: 🔗Иез. 9:2 | И се, муж, оболченый в подир и препоясан поясом о чреслех своих, отвещаваше, глаголя: сотворих, якоже заповедал ми еси. |