Книга Премудрости Иисуса, сына Сирахова, глава 39 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 39
39:1	Точию вдаяй душу свою и размышляяй в законе Вышняго премудрости всех древних взыщет и во пророчествиих поучатися будет:
39:2	повести мужей именитых соблюдет и во извития притчей совнидет,
39:3 См.: 🔗Тит. 1:9	сокровенная притчей изыщет и в гадании притчей поживет,
39:4	посреде вельмож послужит и пред старейшину явится,
39:5	в земли чуждих язык пройдет, добро бо и зло в человецех искуси.
39:6 См.: 🔗Пс. 118:47 🔗Еф. 3:14 🔗Флп. 1:9 🔗1Цар. 12:23	Сердце свое вдаст утреневати ко Господу сотворшему его и пред Вышним помолится, и отверзет уста своя на молитву и о гресех своих помолится.
39:7 См.: 🔗1Кор. 2:13 🔗2Тим. 2:7	Аще Господь велий восхощет, духом разума исполнится:
39:8 См.: 🔗Втор. 32:2 🔗Ис. 55:10	той одождит глаголы премудрости своея и в молитве исповестся Господеви,
39:9	той управит совет его и художество и в сокровенных его размышляти будет,
39:10	той известит наказание учения его и в законе завета Господня похвалится.
39:11	Восхвалят разум его мнози, и до века не погибнет:
39:12 См.: 🔗Прит. 10:7	не отидет память его, и имя его поживет в роды родов:
39:13 См.: 🔗2Тим. 2:2	премудрость его поведят языцы, и хвалу его исповесть церковь.
39:14	Аще пребудет, приусвоит себе, и аще почиет, имя оставит паче тысящ.
39:15	Еще размыслив повем, и якоже луны полнота наполнихся.
39:16	Послушайте мене, преподобнии сынове, и прозябните яко шипки произрастающыя при потоце селнем,
39:17 См.: 🔗Флп. 4:18	и якоже Ливан дадите благовоние,
39:18	и процветите цвет яко крин, преподадите воню и воспойте песнь.
39:19	Благословите Господа во всех делех Его, дадите имени Его величие и исповедайтеся во хвалении Его,
39:20	в песнех устен и в гуслех, и сице рцыте во исповедании:
39:21 См.: 🔗Быт. 1:31	дела Господня вся яко добра зело, и всяко повеление во время свое будет.
39:22	И несть рещи: что сие? На что сие? Вся бо сия во время свое взыскана будут.
39:23 См.: 🔗Исх. 14:21 🔗Нав. 3:16	Словом Его ста вода яко стог, и глаголголом уст Его приятелища водная.
39:24	Повелением Его всякое благоволение, и несть, иже умалит спасение Его.
39:25 См.: 🔗Пс. 138:1	Дела всякия плоти пред Ним, и несть укрытися от очес Его:
39:26 См.: 🔗Еккл. 1:9	от века на век призре, и ничтоже есть дивно пред Ним.
39:27	Несть рещи: что сие? На что сие? Вся бо на потребу их создана быша.
39:28 См.: 🔗Пс. 64:11	Благословение Его яко река покры и яко поток сушу напои:
39:29 См.: 🔗Пс. 93:10	сице гнев Его языцы наследят, яко преврати воду в сланость.
39:30 См.: 🔗Пс. 17:27 🔗Лк. 7:35	Путие Его преподобным прави, тако беззаконником претыкания.
39:31 См.: 🔗Рим. 8:28 🔗Быт. 1:17	Благая благим создана быша из начала, такожде грешным злая.
39:32 См.: 🔗Сир. 29:24	Начало всякия потребы в житие человеку, вода и огнь, и железо и соль, и семидал пшеницы и млеко и мед, кровь гроздова и масло и риза:
39:33	вся сия благочестивым во благая, сице и грешником превратятся во злая.
39:34	Суть дуси, иже создани быша на месть и яростию своею утвердиша раны им:
39:35	во время скончания излиют крепость и ярость Сотворшаго их совершат.
39:36 См.: 🔗Пс. 147:6	Огнь и град, и глад и смерть, вся сия создана быша на месть:
39:37 См.: 🔗Сир. 40:10	зубы зверей и скорпии, и ехидны и мечь отмщаяй в погибель нечестивых,
39:38 См.: 🔗Иов. 37:12	в заповедех Его возвеселятся, и на земли на потребу уготовятся, и во бременах своих не имут прейти слова.
39:39	Сего ради исперва утвердихся и размыслих и в писании оставих:
39:40 См.: 🔗Быт. 1:31	вся дела Господня блага, и всю потребу во время свое подаст:
39:41	и несть рещи: сие сего злее: вся бо во время на угождение будут.
39:42	И ныне всем сердцем и усты воспойте и благословите имя Господне.