Псалтирь, псалом 84

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 84
84:1	В конец, сыном Кореовым, псалом.
84:2	Благоволил еси, Господи, землю Твою, возвратил еси плен Иаковль.
84:3 См.: 🔗Пс. 31:1 🔗Рим. 4:7	Оставил еси беззакония людий Твоих, покрыл еси вся грехи их.
84:4	Укротил еси весь гнев Твой, возвратился еси от гнева ярости Твоея.
84:5	Возврати нас, Боже спасений наших, и отврати ярость Твою от нас.
84:6 См.: 🔗Пс. 12:2 🔗Пс. 76:8 🔗Пс. 78:5	Еда во веки прогневаешися на ны? Или простреши гнев Твой от рода в род?
84:7	Боже, Ты обращься оживиши ны, и людие Твои возвеселятся о Тебе.
84:8	Яви нам, Господи, милость Твою, и спасение Твое даждь нам.
84:9	Услышу, что речет о мне Господь Бог: яко речет мир на люди Своя, и на преподобныя Своя, и на обращающыя сердца к нему.
84:10 См.: 🔗Пс. 96:6 🔗Пс. 144:18	Обаче близ боящихся Его спасение Его, вселити славу в землю нашу.
84:11	Милость и истина сретостеся, правда и мир облобызастася:
84:12	истина от земли возсия, и правда с небесе приниче:
84:13 См.: 🔗Иоил. 2:19	ибо Господь даст благость, и земля наша даст плод свой.
84:14	Правда пред Ним предидет, и положит в путь стопы своя.