Вторая книга Паралипоменон (Вторая книга Хроник, Вторая Летопись), глава 6

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 6
6:1 См.: 🔗3Цар. 8:12	Тогда рече Соломон: Господь рече обитати во мгле,
6:2	аз же создах дом имени Твоему Святый Тебе, и уготован еже обитати Тебе во веки.
6:3 См.: 🔗2Цар. 6:18 🔗3Цар. 8:14	И обрати царь лице свое и благослови все собрание Израилево, и все собрание Израилево предстояше, и рече:
6:4 См.: 🔗3Цар. 8:15	благословен Господь Бог Израилев, якоже глагола усты Своими ко Давиду отцу моему, и руками Своими соверши, глаголя:
6:5 См.: 🔗2Цар. 7:6 🔗3Цар. 8:16	от дне, в оньже изведох люди Моя от земли Египетския, не избрах града от всех колен Израилевых, да созиждется в нем дом имени Моему ту, ниже избрах мужа быти вождем над людьми Моими во Израили:
6:6	но избрах Иерусалима, да будет имя Мое в нем, и избрах Давида быти над людьми Моими Израилем:
6:7 См.: 🔗2Цар. 7:2 🔗3Цар. 8:17 🔗1Пар. 17:1	и бысть на сердцы Давида отца моего создати дом имени Господа Бога Израилева:
6:8	и рече Господь ко Давиду отцу моему: понеже бысть на сердцы твоем создати дом имени Моему, добре сотворил еси, яко бысть на сердцы твоем,
6:9 См.: 🔗3Цар. 8:19 🔗Прем. 9:8	обаче ты не созиждеши Мне дому, но сын твой, иже изыдет из чресл твоих, той созиждет дом имени Моему:
6:10 См.: 🔗3Цар. 8:20	и соверши Господь слово сие, еже глагола, и бых вместо Давида отца моего, и седох на престоле Израилеве, якоже глагола Господь, и создах дом имени Господа Бога Израилева,
6:11	и поставих в нем кивот, в немже есть завет Господень, егоже завеща Израилю.
6:12 См.: 🔗3Цар. 8:22 🔗1Езд. 9:5	И ста пред олтарем Господним, пред всем множеством Израилевым, и простре руце свои:
6:13 См.: 🔗3Цар. 8:22 🔗2Мак. 2:8 🔗Еф. 3:14	сотвори бо Соломон стояло медяно и постави его посреде двора святилища, пять лакот долгота его и пять лакот широта его и три лакти высота его: и ста на нем, и паде на колена своя пред всем множеством Израилевым, и простре руки своя на небо и рече:
6:14 См.: 🔗2Мак. 2:10 🔗3Цар. 8:23	Господи Боже Израилев, несть подобен Тебе Бог на небеси и на земли, сохраняяй завет и милость с рабы Твоими, иже ходят пред Тобою всем сердцем своим,
6:15	яже сохранил еси рабу Твоему Давиду отцу моему, елика рекл еси ему глаголя, и глаголал еси усты Твоими и руками Твоими совершил еси, якоже день сей:
6:16 См.: 🔗3Цар. 8:25 🔗2Цар. 7:16	и ныне, Господи Боже Израилев, сохрани рабу Твоему Давиду отцу моему, яже рекл еси ему глаголя, и глаголал еси усты Твоими и исполнил еси якоже в день сей, глаголя: не оскудеет тебе муж от лица Моего седяй на престоле Израилеве, токмо аще сохранят сынове твои пути Моя ходити в законе Моем, якоже ходил еси предо Мною:
6:17 См.: 🔗3Цар. 8:17	и ныне, Господи Боже Израилев, да укрепится слово Твое, еже глаголал еси рабу Твоему Давиду:
6:18 См.: 🔗3Цар. 8:27 🔗2Пар. 2:6 🔗Ис. 66:1	убо истинно ли Бог обитати будет с человеки на земли? Аще небо и небо небесе не довлеют Ти, и кольми паче дом сей, егоже создах?
6:19	И призри на моление раба Твоего и на молитву мою, Господи Боже мой, еже услышати молитвы моя и моление, имже раб Твой молится пред Тобою днесь,
6:20 См.: 🔗3Цар. 8:29 🔗Втор. 12:5 🔗Втор. 31:11	еже быти очесем Твоим отверстым на дом сей день и нощь, на место сие, о немже глаголал еси, да призовется имя Твое тамо, еже услышати молитву, еюже раб Твой молится на месте сем:
6:21 См.: 🔗3Цар. 8:30	и послушати мольбу раба Твоего и людий Твоих Израиля, елика аще помолятся на месте сем и ты услышиши на месте жилища Твоего с небесе, и услышиши, и милостив будеши:
6:22 См.: 🔗3Цар. 8:31 🔗Исх. 22:11	аще согрешит муж ко искреннему своему и приимет на него клятву еже клясти его, и приидет и прокленет пред олтарем в дому сем,
6:23 См.: 🔗3Цар. 8:32	и Ты услыши от небесе и суди рабом Твоим, еже воздати беззаконному, и воздати пути его на главу его, и оправдити праведнаго, воздая ему по правде его:
6:24 См.: 🔗3Цар. 8:33 🔗Втор. 28:25	и аще одолени будут людие Твои Израиль от враг, аще согрешат Тебе и обратятся, и исповедятся имени Твоему, и помолятся пред Тобою в храме сем,
6:25	и Ты услыши с небесе и милостив буди грехом людий Твоих Израиля и возврати их в землю, юже дал еси им и отцем их:
6:26 См.: 🔗Лев. 26:19 🔗Втор. 11:17 🔗3Цар. 8:35	егда заключиши небо, и не будет дождя, яко согрешат Тебе, и помолятся на месте сем, и восхвалят имя Твое, и обратятся от грех своих, егда смириши их,
6:27	и Ты услыши с небесе и милостив буди грехом рабов и людий Твоих Израиля, яко явиши им путь благ, по немуже пойдут, и даждь дождь на землю Твою, юже дал еси людем Твоим в наследие:
6:28 См.: 🔗2Пар. 20:9	глад аще будет на земли, губителство аще будет, воздуха растление и иктер, прузи и гусеницы аще будут, и аще оскорбит их враг пред градами их, всякою язвою и всякою болезнию,
6:29	и всяка молитва, и всяко моление, еже аще будет всякому человеку и всем людем Твоим Израилю, аще познает человек язву свою и грех свой и прострет руце свои в дому сем,
6:30	и Ты услыши с небесе от готоваго жилища Твоего, и очести, и даждь коемуждо по путем его, якоже веси по сердцу его, Ты бо един веси сердца сынов человеческих,
6:31	яко да боятся Тебе, еже ходити бо всех путех Твоих вся дни, в няже живут на лицы земли юже дал еси отцем нашым:
6:32 См.: 🔗3Цар. 8:41 🔗Ис. 55:5	и всяк чуждии, иже несть от людий Твоих Израиля, и приидет от земли дальния ради имене Твоего великаго и ради руки Твоея сильныя и мышцы Твоея высокия, и приидет и помолится на месте сем,
6:33	и Ты услыши с небесе от готоваго жилища Твоего, и сотвориши по всему, елико призовет Тя чуждий, да уведят вси людие земли имя Твое и убоятся Тебе, якоже людие Твои Израиль, и познают, яко имя Твое призвано есть на дом сей, егоже создах:
6:34	аще же изыдут людие Твои на брань противу супостат своих по пути, имже послеши их, и помолятся Тебе по пути града сего, егоже избрал еси Себе, и дому, егоже создах имени Твоему,
6:35	да услышиши с небесе молитву их и моление их, и сотвориши оправдание их:
6:36 См.: 🔗3Цар. 8:46 🔗Прит. 20:9 🔗Еккл. 7:20 🔗3Езд. 8:35 🔗1Ин. 1:8	зане согрешат Тебе, яко несть человек, иже не согрешит, и поразиши их, и предаси их в руки врагов их, и пленят их пленяющии в землю врагов, в землю дальнюю или ближнюю,
6:37 См.: 🔗Дан. 9:13 🔗Чис. 14:40	и обратят сердце свое в земли их, в нюже пленени будут, и тамо обратятся, и помолятся Тебе в пленении своем, глаголюще: согрешихом, беззаконновахом, неправдовахом,
6:38 См.: 🔗1Цар. 7:6 🔗3Цар. 8:47	и обратятся к Тебе всем сердцем своим и всею душею своею в земли пленивших я, идеже плениша их, и помолятся путем земли своея, юже дал еси отцем их, и града, егоже избрал еси, и дому, егоже создах имени Твоему:
6:39 См.: 🔗Пс. 33:16	да услышиши с небесе от готоваго жилища Твоего молитву их и моление их, и сотвориши суд, и милостив буди людем Твоим согрешившым Ти:
6:40	и ныне, Господи, да будут отверсте очи Твои, и уши Твои внятне к молению места сего:
6:41 См.: 🔗Чис. 10:36 🔗Пс. 131:8	и ныне востани, Господи Боже, в покой Твой, Ты и кивот крепости Твоея: священницы Твои, Господи Боже, да облекутся во спасение, и преподобнии Твои возвеселятся во благих:
6:42 См.: 🔗2Цар. 7:13	Господи Боже, да не отвратиши лица христа Твоего, помяни щедроты Давида раба Твоего.