Книга Притчей Соломоновых, глава 12

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 12
12:1 См.: 🔗Прит. 10:17	Любяй наказание любит чувство: ненавидяй же обличения безумен.
12:2	Лучше обретый благодать от Господа Бога: муж же законопреступен премолчан будет.
12:3 См.: 🔗Прит. 10:25 🔗Ис. 37:31 🔗Иер. 17:8	Не исправится человек от беззаконнаго: корения же праведных не отимутся.
12:4	Жена мужественная венец мужу своему: якоже в древе червь, тако мужа погубляет жена злотворная.
12:5	Мысли праведных судьбы: управляют же нечестивии лести.
12:6 См.: 🔗Прит. 1:11	Словеса нечестивых льстива в кровь, уста же правых избавят их.
12:7	Аможе обратится нечестивый, изчезает: храмины же праведных пребывают.
12:8	Уста разумнаго хвалима бывают от мужа: слабосерд же поругаемь бывает.
12:9	Лучше муж в безчестии работаяй себе, нежели честь себе обложив и лишаяйся хлеба.
12:10 См.: 🔗Втор. 22:6 🔗Втор. 25:4	Праведник милует душы скотов своих: утробы же нечестивых немилостивны.
12:11 См.: 🔗Прит. 28:19 🔗Сир. 20:28	Делаяй свою землю исполнится хлебов: гонящии же суетная лишени разума. Иже есть сладостен в виннем пребывании, во своих твердынех оставит безчестие.
12:12	Желания нечестивых зла: корение же благочестивых в твердостех.
12:13 См.: 🔗Прит. 18:7	За грех устен впадает в сети грешник: избегает же от них праведник. Сматряяй кротко помилован будет, а сретаяй во вратех оскорбит душы.
12:14 См.: 🔗Пс. 61:13	От плодов уст душа мужа наполнится благих, воздаяние же устен его воздастся ему.
12:15 См.: 🔗Прит. 10:17	Путие безумных прави пред ними: послушает советов мудрый.
12:16 См.: 🔗Еккл. 7:9	Безумный абие исповесть гнев свой: крыет же свое безчестие хитрый.
12:17 См.: 🔗Прит. 14:5	Явленную веру возвещает праведный: свидетель же неправедных льстив.
12:18 См.: 🔗Пс. 58:8 🔗Пс. 63:4	Суть, иже глаголюще уязвляют аки мечи: языцы же премудрых изцеляют.
12:19	Устне истинны исправляют свидетелство: свидетель же скор язык имать неправеден.
12:20	Лесть в сердцы кующаго злая: хотящии же мира возвеселятся.
12:21	Ничтоже неправедное угодно есть праведному: нечестивии же исполнятся злых.
12:22 См.: 🔗Пс. 5:7	Мерзость Господеви устне лживы: творяй же верно приятен Ему.
12:23 См.: 🔗Прит. 13:17	Муж разумивый престол чувствия: сердце же безумных срящет клятвы.
12:24	Рука избранных одержит удобь: льстивии же будут во пленении.
12:25	Страшное слово сердце мужа праведна смущает, весть же благая веселит его.
12:26	Разумив праведник себе друг будет: мысли же нечестивых некротки: согрешающих постигнут злая, путь же нечестивых прельстит я.
12:27	Не улучит льстивый ловитвы: стяжание же честное муж чистый.
12:28	В путех правды живот, путие же злопомнящих в смерть.