Книга пророка Иоиля, глава 2

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 2
2:1 См.: 🔗Чис. 10:3 🔗Ис. 2:12 🔗Иоил. 1:15	Вострубите трубою в Сионе, проповедите в горе Моей святей, и да смятутся вси живущии на земли, яко предстоит день Господень, яко близ,
2:2 См.: 🔗Иер. 13:16 🔗Иез. 30:3 🔗Ам. 5:18	день тмы и бури, день облака и мглы: якоже утро разлиются по горам людие мнози и крепцы, подобни им не быша от века, и по них не приложится до лет в род и род:
2:3 См.: 🔗Пс. 49:3	яже пред ним огнь потребляяй, и яже за ним возгараяся пламень: якоже рай Сладости земля пред лицем его, и яже созади его поле пагубы, и спасающагося не будет им:
2:4 См.: 🔗Отк. 9:7	якоже вид конский вид их, и якоже конницы, тако проженут:
2:5	якоже глас колесниц на верхи гор востекут, и яко глас пламене огненна попаляюща тростие, и яко людие мнози и крепцы воополчающиися на брань.
2:6 См.: 🔗Наум. 2:10	От лица их сокрушатся людие: всякое лице аки опаление горнца.
2:7	Якоже борцы потекут, и якоже мужие храбри взыдут на ограды: и кийждо в путь свой пойдет, и не совратят путий своих,
2:8	и кийждо от брата своего не отступит: отягощени оружии своими пойдут и в стрелах своих падут, но не скончаются.
2:9	Града имутся, и на забрала востекут, и на храмины взлезут, и оконцами внидут, якоже татие.
2:10 См.: 🔗Ис. 13:10 🔗Иез. 32:7 🔗Мф. 24:29 🔗Мк. 13:24 🔗Лк. 21:25	Пред лицем его смятется земля и потрясется небо: солнце и луна померкнут, и звезды угасят свет свой.
2:11 См.: 🔗Иер. 30:7 🔗Ам. 5:18 🔗Соф. 1:15	И Господь даст глас Свой пред лицем силы Своея, яко мног есть зело полк Его, яко крепка дела словес Его: зане велик день Господень, велик и светел зело, и кто будет доволен ему?
2:12 См.: 🔗Иер. 4:1	И ныне глаголет Господь Бог ваш: обратитеся ко Мне всем сердцем вашим в посте и в плачи и в рыдании,
2:13 См.: 🔗Исх. 34:6 🔗Пс. 85:5 🔗Ион. 4:2	и расторгните сердца ваша, а не ризы ваша, и обратитеся ко Господу Богу вашему, яко милостив и щедр есть, долготерпелив и многомилостив и раскаявайся о злобах.
2:14 См.: 🔗Иов. 3:9	Кто весть, обратится ли, и раскается, и оставит за собою благословение и жертву и возлияние Господу Богу вашему?
2:15 См.: 🔗Иоил. 1:14	Вострубите трубою в Сионе, освятите пост, проповедите цельбу,
2:16 См.: 🔗Исх. 19:10 🔗Иоил. 3:9	соберите люди, освятите церковь, изберите старейшины, совокупите младенцы ссущия сосцы: да изыдет жених от ложа своего, и невеста от чертога своего.
2:17 См.: 🔗Пс. 41:11 🔗Мих. 7:10	Между степеньми жертвенника восплачутся жерцы служащии Господу и рекут: пощади, Господи, люди Твоя и не даждь достояния Твоего на укоризну, да не обладают ими языцы, да не рекут во языцех: где есть Бог их?
2:18	И возревнова Господь о земли Своей и пощаде люди Своя.
2:19 См.: 🔗Пс. 84:13	И отвеща Господь людем Своим и рече: се, Аз вам послю пшеницу и вино и масло древяное, и насытитеся их, и не дам вас ксему на поругание во языцех:
2:20	и сущаго от севера отжену от вас и отрину его на землю безводную, и погублю лице его в мори первем и задняя его в мори последнем, и взыдет гнилость его, и взыдет смрад его, яко возвеличи дела своя.
2:21	Дерзай, земле, радуйся и веселися, яко возвеличи Господь, еже сотворити.
2:22	Дерзайте, скоти польстии, яко прозябнуша поля пустыни, яко древо принесе плод свой, виноград и смокви даша силу свою.
2:23 См.: 🔗Иез. 34:26	И чада Сионя, радуйтеся и веселитеся о Господе Бозе вашем, яко даде вам пищу в правду и одождит вам дождь ранний и поздный, якоже и прежде:
2:24 См.: 🔗Прит. 3:10	и наполнятся гумна ваша пшеницы, и преизлиются точила вином и елеем.
2:25 См.: 🔗Иоил. 1:4	И воздам вам вместо лет, в няже поядоша прузи и мшица, и сиплеве и гусеницы, сила Моя великая, юже послах на вы:
2:26 См.: 🔗Втор. 8:10	и снесте ядуще и насытитеся, и похвалите имя Господа Бога вашего, Яже сотвори с вами чудеса: и не посрамятся людие Мои во век.
2:27 См.: 🔗Ис. 45:5	И уведите, яко посреде Израиля Аз есмь, и Аз Господь Бог ваш, и несть иного разве Мене: и не посрамятся ктому людие Мои во век.
2:28 См.: 🔗Ис. 44:3 🔗Иез. 36:25 🔗Ин. 7:39 🔗Деян. 2:17	И будет по сих, и излию от Духа Моего на всяку плоть, и прорекут сынове ваши и дщери ваша, и старцы ваши сония узрят, и юноты ваши видения увидят:
2:29 См.: 🔗Деян. 2:18 🔗Рим. 8:15 🔗Гал. 4:6 🔗1Пет. 2:9	ибо на рабы Моя и на рабыни Моя во дни оны излию от Духа Моего:
2:30	и дам чудеса на небеси и на земли, кровь и огнь и курение дыма:
2:31	солнце обратится во тму, и луна в кровь, прежде неже приити дню Господню великому и просвещенному:
2:32 См.: 🔗Рим. 10:13	и будет, всяк иже призовет имя Господне, спасется: яко в горе Сионе и во Иерусалиме будет спасаемый, якоже рече Господь, и благовествуемии, ихже Господь призва.