Псалтирь, псалом 29

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 29
29:1 См.: 🔗2Цар. 5:11	Псалом песни обновления дому Давидова.
29:2 См.: 🔗Пс. 34:19	Вознесу Тя, Господи, яко подял мя еси, и не возвеселил еси врагов моих о мне.
29:3 См.: 🔗Втор. 32:39	Господи Боже мой, воззвах к Тебе, и изцелил мя еси.
29:4 См.: 🔗1Цар. 2:6 🔗Пс. 85:13	Господи, возвел еси от ада душу мою, спасл мя еси от низходящих в ров.
29:5 См.: 🔗Пс. 96:12	Пойте Господеви, преподобнии Его, и исповедайте память святыни Его:
29:6 См.: 🔗Ис. 54:8	яко гнев в ярости Его, и живот в воли Его: вечер водворится плачь, и заутра радость.
29:7 См.: 🔗Иов. 29:18	Аз же рех во обилии моем: не подвижуся во век.
29:8	Господи, волею Твоею подаждь доброте моей силу: отвратил же еси лице Твое, и бых смущен.
29:9	К Тебе, Господи, воззову, и к Богу моему помолюся.
29:10 См.: 🔗Пс. 6:6 🔗Ис. 38:18	Кая польза в крови моей, внегда сходити ми во истление? Еда исповестся Тебе персть? Или возвестит истину Твою?
29:11	Слыша Господь и помилова мя: Господь бысть помощник мой.
29:12	Обратил еси плачь мой в радость мне, растерзал еси вретище мое и препоясал мя еси веселием,
29:13 См.: 🔗Пс. 15:9	яко да воспоет Тебе слава моя, и не умилюся. Господи Боже мой, во век исповемся Тебе.