Книга пророка Исаии, глава 1

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 1
1:1	Видение, еже виде Исаиа сын Амосов, еже виде на Иудею и на Иерусалим, в царство Озии и Иоафама, и Ахаза и Езекии, иже царствоваша во Иудеи.
1:2 См.: 🔗Втор. 32:1	Слыши, небо, и внуши, земле, яко Господь возглагола: сыны родих и возвысих, тии же отвергошася Мене.
1:3 См.: 🔗Втор. 32:6	Позна вол стяжавшаго и, и осел ясли господина своего: Израиль же Мене не позна, и людие Мои не разумеша.
1:4 См.: 🔗Ис. 30:9 🔗Ис. 57:3 🔗Дан. 9:5	Увы, язык грешный, людие исполнени грехов, семя лукавое, сынове беззаконнии, остависте Господа и разгневасте Святаго Израилева, отвратистеся вспять.
1:5 См.: 🔗Иер. 2:30 🔗Иер. 4:19	Что еще уязвляетеся, прилагающе беззаконие? Всякая глава в болезнь, и всякое сердце в печаль.
1:6 См.: 🔗Втор. 28:35	От ног даже до главы несть в нем целости: ни струп, ни язва, ни рана палящаяся: несть пластыря приложити, ниже елеа, ниже обязания.
1:7 См.: 🔗Втор. 28:51 🔗Ис. 5:5	Земля ваша пуста, гради ваши огнем пожжени, страну вашу пред вами чуждии поядают, и опусте низвращена от людий чуждих.
1:8	Оставится дщерь Сионя яко куща в винограде и яко овощное хранилище в вертограде, яко град воюемый.
1:9 См.: 🔗Плч. 3:22 🔗Рим. 9:29 🔗Быт. 19:24 🔗Иер. 23:14	И аще не бы Господь Саваоф оставил нам семене, яко Содома убо были быхом, и яко Гоморру уподобилися быхом.
1:10	Услышите слово Господне, князи Содомстии: внемлите закону Божию, людие Гоморрстии.
1:11 См.: 🔗Прит. 15:8 🔗Ис. 66:3 🔗Иер. 6:20 🔗Ам. 5:21	Что Ми множество жертв ваших, глаголет Господь? Исполнен есмь всесожжений овних и тука агнцев, и и крове юнцев и козлов не хощу.
1:12 См.: 🔗Иер. 7:22	Ниже приходите явитися Ми: кто бо изыска сия из рук ваших? Ходити по двору Моему не приложите.
1:13 См.: 🔗Прит. 21:27	И аще принесете Ми семидал, всуе: кадило мерзость Ми есть.
1:14	Новомесячий ваших и суббот и дне великаго не потерплю: поста и праздности, и новомесячий ваших и праздников ваших ненавидит душа Моя: бысте Ми в сытость, ктому не стерплю грехов ваших.
1:15 См.: 🔗Прит. 1:28 🔗Иер. 14:12 🔗Иез. 8:18 🔗Мих. 3:4 🔗Ис. 59:3	Егда прострете руки (вашя) ко Мне, отвращу очи Мои от вас: и аще умножите моление, не услышу вас: руки бо вашя исполнены крове.
1:16 См.: 🔗Пс. 33:15 🔗1Пет. 3:11	Измыйтеся, (и) чисти будите, отимите лукавства от душ ваших пред очима Моима, престаните от лукавств ваших.
1:17 См.: 🔗Пс. 81:4	Научитеся добро творити, взыщите суда, избавите обидимаго, судите сиру и оправдите вдовицу,
1:18 См.: 🔗Ис. 41:1 🔗Ис. 43:25 🔗Ис. 44:22	и приидите, и истяжимся, глаголет Господь. И аще будут греси ваши яко багряное, яко снег убелю: аще же будут яко червленое, яко волну убелю.
1:19 См.: 🔗Лев. 25:18	И аще хощете и послушаете Мене, благая земли снесте:
1:20	аще же не хощете, ниже послушаете Мене, мечь вы пояст: уста бо Господня глаголаша сия.
1:21 См.: 🔗Мф. 23:34	Како бысть блудница град верный Сион полн суда? В немже правда почиваше, ныне же (в нем) убийцы.
1:22 См.: 🔗Иер. 6:30 🔗Иез. 22:18	Сребро ваше неискушено, корчемницы твои мешают вино с водою.
1:23 См.: 🔗Ос. 9:15 🔗Исх. 22:22 🔗Иер. 5:28 🔗Зах. 7:10	Князи твои не покаряются, общницы татем, любяще дары, гоняще воздаяние, сирым не судящии и суду вдовиц не внимающии.
1:24 См.: 🔗Втор. 28:63	Сего ради тако глаголет Владыка Господь Саваоф: горе крепким во Израили: не престанет бо ярость Моя на противныя, и суд врагом Моим сотворю:
1:25 См.: 🔗Ис. 1:22 🔗Мал. 3:2	и наведу руку Мою на тя, и разжегу в чистоту, непокаряющихся же погублю, и отиму всех беззаконных от тебе, и всех гордых смирю.
1:26 См.: 🔗Иер. 33:16	И приставлю судии твоя якоже прежде, и советники твоя яко от начала: и по сих наречешися град правды, мати градовом, верный Сион.
1:27	С судом бо спасется пленение его и с милостынею.
1:28 См.: 🔗Иов. 31:3 🔗Пс. 1:6	И сокрушатся беззаконнии и грешницы вкупе, и оставившии Господа скончаются:
1:29 См.: 🔗Ис. 65:3 🔗Ос. 4:13	занеже постыдятся о идолех своих, ихже сами восхотеша, и посрамятся о садех своих, ихже возжелеша.
1:30 См.: 🔗Пс. 1:3	Будут бо яко теревинф отметнувый листвия (своя), и яко вертоград не имый воды.
1:31 См.: 🔗Мал. 4:1	И будет крепость их яко стебль изгребия, и делания их яко искры огненныя, и сожгутся беззаконницы и грешницы вкупе, и не будет угашаяй.