Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 25 | |
25:1 | И живяше Израиль в Саттиме, и осквернишася людие блужением со дщерми Моавли: |
25:2 | и призваша я в требы кумир своих, и ядоша людие требы их и поклонишася кумиром их: |
25:3 См.: 🔗Нав. 22:17 🔗Пс. 105:28 | и причастися Израиль Веельфегору, и разгневася яростию Господь на Израиля. |
25:4 См.: 🔗Втор. 4:3 | И рече Господь к Моисею: поими вся князи людския, и обличи я Господу прямо солнцу, и отвратится гнев ярости Господни от Израиля. |
25:5 | И рече Моисей к племенем Израилским: избийте кийждо ужика своего служившаго Веельфегору. |
25:6 | И се, человек от сынов Израилевых пришед приведе брата своего к Мадианитыне пред Моисеем и пред всем сонмом Израилевым: сии же плакахуся пред дверми скинии свидения. |
25:7 См.: 🔗Пс. 105:30 | И видев Финеес, сын Елеазара сына Аарона жерца, воста из среды сонма, и взем сулицу в руку, |
25:8 | вниде вслед человека Израилтянина в блудилище, и прободе обоих, и человека Израилтянина, и жену сквозе ложесна ея: и преста вред от сынов Израилевых. |
25:9 См.: 🔗1Кор. 10:8 | И быша умершии язвою двадесять четыри тысящы. |
25:10 | И рече Господь к Моисею, глаголя: |
25:11 | Финеес сын Елеазара сына Аарона жерца утоли гнев Мой от сынов Израилевых, егда возревнова ревность Моя в них, и не потребих сынов Израилевых в ревности Моей: |
25:12 См.: 🔗Сир. 45:29 | тако рцы: се, Аз даю ему завет Мой мирный, |
25:13 См.: 🔗1Мак. 2:54 | и будет ему и семени его по нем завет жречества вечный, понеже возревнова по Бозе своем и умилостиви о сынех Израилевых. |
25:14 | Имя же человеку Израилтянину, егоже уби с Мадианитынею, Замврий сын Салмонь, князь дому отечества сынов Симеоних: |
25:15 См.: 🔗Чис. 31:8 | и имя жене Мадианитыне прободеной Хазви, дщи Сура, князя рода Соммофова, дому отечества есть Мадиамля. |
25:16 | И рече Господь к Моисею, глаголя: рцы сыном Израилевым, глаголя: |
25:17 См.: 🔗Чис. 31:2 | враждуйте Мадианитом и бийте я: |
25:18 | зане враждуют вам сии лестию, елико прельщают вас Фогором и Хазвиею дщерию князя Мадиамля, сестрою своею прободеною, в день язвы Фогора ради. |